Müsavatçılar da bayrağımıza hörmətsizlik etdilər FOTOFAKT

Müsavat Partiyası rəqibi "Milli Şura"dan geri qalmamaq üçün bu gün "Məsul" stadionunda mitinq keçirdi.SİA-nın əməkdaşının da müşahidə etdiyi mitinqdə dünənki mitinqdən geri qalmayan xoşagəlməz hadisələr yaşandı. Ən acınacaqlı vəziyyətə düşən yenə qanımız bahasına əldə etdiyimiz və dövlətimizin əsas atributlarından sayılan üçrəngli bayrağımız oldu. Nə "Milli Şura" üzvləri, nə də Müsavatçılar bayrağımıza sayqı ilə yanaşa bilmədilər. İki nəfər tapa bilmədilər ki, bu bayraqları təmiz yerə yığsınlar, onları palçığa bulaşmağa qoymasınlar.
Müsavatçılar da dünənki "dostları" kimi mitinq qurtarar-qurtarmaz bayraqları bir kənara tullayıb stadionun çıxışına tərəf "hurrey" deyib axışdılar.