Müqaviləni uzatmır, ehtiyatda qalacaq
PSJ-nin
yarımmüdafiəçisi Adrien Rabo mövsümü qalan hissəsində ehtiyatda oturmalı
olacaq.
Kaspi.az xəbər
verir ki, bu barədə PSJ-nin idman direktoru Antero Enrike məlumat verib. O, bildirib
ki, Rabo müqaviləni uzatmadığı üçün belə qərar qəbul edilib:
"Rabo mənə dedi
ki, müqaviləni uzatmayacaq. O, mövsümün sonunda PSJ-ni tərk etmək istəyir.
Bundan sonrakı
plan tam aydındır. Rabo mövsümün sonuna qədər ehtiyatda oturacaq”.
Rabonun PSJ-i ilə
qüvvədə olan müqaviləsi 2019-cu ilin yayında başa çatır. Onunla "Barselona”,
"Liverpul” və "Yuventus” maraqlanır. Rabo 8 ildir ki, PSJ-də çıxış edir.