Multikulturalizmlə bağlı yeni kitabça çap edilib
Qloballaşan Dünyaya İnteqrasiya İctimai Birliyi Azərbaycan Respublikasının
Prezidenti yanında Qeyri-Hökumət Təşkilatlarına Dövlət Dəstəyi Şurasının dəstəyilə
həyata keçirilən "Sosial və internet mediada gənclərin multikulturalizmlə bağlı
maarifləndirilməsi” layihəsi çərçivəsində "Multikulturalizmlə bağlı yeni
mediada düzgün iştirak günün tələbidir” adlı kitabça çap edib. Bu barədə "Kaspi”yə
ictimai birlikdən bildirilib.
Kitabçanın, əsasən yeniyetmə və gənclər, tələbələr,
eləcə də gənclər təşkilatları və QHT-lər, müvafiq qurumlar arasında paylanması
nəzərdə tutulub. Kitabçada yuxarıda adı çəkilən layihənin icrası, təlimlərin və
saytda əksini tapmış məqalələrin yeni ideyaverici məqamları əsasında ərsəyə gəlmiş
materiallar əksini tapıb. Layihə çərçivəsində ərsəyə gəlmiş broşür vasitəsilə
yeni media və internetlə bağlı müvafiq qurumlar, QHT-lər də ekspert təklif və
ideyalarından bəhrələnmək imkanı qazanacaqlar.
Qeyd edək ki, broşürün çap edilməsi ilə sözügedən layihə başa çatdırılıb.
Layihəsinin həyata keçirilməsi ümumilikdə
yeniyetmə və gənclər arasında yeni media vasitələrində multikulturalizmlə bağlı
bilgilərin, bu baxımdan ictimai və hüquqi məsuliyyət hissinin artırılmasına önəmli
dərəcədə yardımçı olacaq. Layihə çərçivəsində Bakıda və regionlarda keçirilmiş
təlimlərdə iştırak edən yeniyetmə və gənclər, gənclər təşkilatlarının nümayəndələri,
həmçinin jurnalist olmaq istəyən gənclər, tələbələr yeni media vasitələrində
multikulturalizmlə düzgün iştirakla bağlı bilgilərini artırmaq, məlumatlanmaq və
təlimatlanmaqla yanaşı həmkarları və ictimaiyyət arasında əldə etdikləri bilikləri
ötürə və təlqin edə, bununla bağlı virtual məkanda, sosial şəbəkələrdə
informasiyalar yaya bilirlər. Eyni zamanda təlimlər həyata keçirilən Masallı və
İsmayıllı gəncləri layihədən önəmli dərəcədə faydalanıblar.
Bu məqsədlə layihə çərçivəsində yenilənmiş "yenimedia.press” saytı da təkmilləşdirilib.