Mourinyonun “məni açıq şəkildə müdafiə edin” tələbi
Deyəsən, Joze
Mourinyonu daha "Mançester Yunayted”dən qovulmaq təhlükəsi gözləmir.
Kaspi.az xəbər
verir ki, MY-nin sahibi olan Qleyzerlər ailəsi portuqal mütəxəssisin tərəfini
saxlayıb. İngiltərə mətbuatı isə iddia edirdi ki, "Nyukasl”la oyunun nəticəsindən
asılı olmayaraq, Joze postundan qovulacaq. Guya bu barədə məlumatı oyundan əvvəl
Mourinyoya mesajla klubun vitse-prezidenti Ed Vudvord göndərib.
Vudvordun
Mourinyo ilə münasibətlərinin gərgin olduğu da bildirilir. Ancaq Qleyzerlər ailəsi
portuqal mütəxəssislə yola davam etməyə üstünlük verib.
İngiltərə mətbuatı
indi də iddia edir ki, portuqal mütəxəssi rəhbərlikdən açıq dəstək tələb edib.
Ancaq Qleyzerlərin də ona açıq dəstək vermək niyyətində olmadığı vurğulanır.
Joze Mourinyonu
MY-də Zinəddin Zidanın əvəz edəcəyi güman olunurdu. Amma fransız mütəxəssis
açıqlama verərək, İngiltərədə işləmək niyyətində olmadığını bildirib.