Mourinyo yenə də uşaqları günahlandırdı
"Mançester Yunayted”in baş məşqçisi Joze Mourinyo ev oyunlarındakı
uğursuzluğa görə günahkarları tapıb.
Kaspi.az xəbər verir ki, Mourinyo "Old Trafford”dakı oyunlar zamanı
top daşıyan uşaqlardan narazılıq edib. Bu barədə məlumatı "The Sun” yayıb.
Portuqal mütəxəssis hesab edir ki, top daşıyan uşaqlar olduqca ləng
hərəkət edirlər. Onun qənaətinə görə, uşaqlar topu futbolçulara gec
çatdırdıqları üçün "Mançester Yunayted” sürətli əks-hücumlar qura bilmir.
Onu da qeyd edək ki, bu, Mourinyonun uşaqlardan ilk narazılğı deyil.
O, "Çelsi”də işləyərkən də top daşıyan balacalardan narazılıq etmişdi.