Mourinyo “Qalatasaray”ın ümidini öldürdü
"Qalatasaray”ın "Mançester Yunayted”in futbolçusu Maruan Fellayni ilə
maraqlandığı barədə məlumat yayılmışdı.
"Qalatasaray” rəsmiləri futbolçu ilə danışıqlar apardıqları barədə
açıqlama da vermişdilər. Kaspi.az xəbər verir ki, bu məsələyə "Mançester
Yunayted”in baş məşqçisi Joze Mourinyo da münasibət bildirib. O, Fellayninin
satılmadığını vurğulayıb:
"Qalatasaray” üçün məni almaq asan olar, nəinki Maruanı. Əgər onlara
məşqçi lazımdısa, onda şansları var. Amma Fellayni... Bu barədə unudun. O,
mənim üçün çox vacib oyunçudur”.
29 yaşlı futbolçunun "Mançester Yunayted”lə müqaviləsi 2018-ci ilin
yayında başa çatır.