Mourinyo Poqba ilə dalaşdı, güldüyü üçün
"Mançester
Yunayted”in məşqində insident yaşanıb.
Kaspi.az xəbər
verir ki, baş məşqçi Joze Mourinyo Poqba ilə dalaşıb. Məşqdən əvvəl Poqba
Mourinyoya yaxınlaşaraq onunla salamlaşmaq istəyib.
Joze ona nə
deyibsə, futbolçu cavab qaytarmalı olub və söz atışması böyüyüb. Onların
mübahisəsini "Sky Sports” lentə alıb.
İlkin məlumata
görə, Mourinyo Poqbaya "instaqram”da paylaşdığı videoya görə irad bildirib.
"Derbi” ilə qarşılaşma zamanı çəkilmiş videoda Poqba tribunada Andreas Pereyra
ilə Lyuk Şounun yanında oturub və gülür.
İddialara görə,
məhz Poqbanın gülməsi Mourinyoya xoş gəlməyib. Qeyd edək ki, "Mançester
Yunayted” İngiltərə Liqa kubokunda keçirilən həmin oyunda "Derbi”yə penalti
seriyasında məğlub olub.