Mourinyo Konteyə “xəncər” sapladı
"Mançester
Yunayted”in baş məşqçisi Joze Mourinyo "Çelsi”nin çalışdırıcısı Antonio Konteyə
cavab verib.
Kaspi.az
xəbər verir ki, Mourinyo bir müddət əvvəl jurnalistin, oyun zamanı özünü sakit
aparması ilə bağlı verdiyi sualı belə cavablandırmışdı: "Oyun zamanı özümü
kloun kimi aparmıramsa, bu o deməkdi ki, hissimi itirmişəm?”
Jurnalistlərin
fikrincə, Mourinyo belə ifadə işlətməklə Konteni nəzərdə tutub. Çünki Konte
oyun zamanı çox çılğın olur. İtalyan mütəxəssis bu məsələyə belə reaksiya
vermişdi:
"Lazımdır
ki, Mourinyo keçmişinə baxsın. Ola bilsin ki, elə özünü nəzərdə tutub”.
Portuqal
mütəxəssisin cavabı olduqca sərt alınıb. Mourinyo Konteni oyun alverində
ittiham edib:
"Bu məsələyə
son qoymaq üçün deyəcəyim bir söz var. Bəli, mən keçmişdə oyun zamanı bəzi səhvlər
etmişəm. İndi isə çalışıram ki, az səhv edim. Ancaq səhvlərdən qaçmaq da mümkün
deyil. Amma mənimlə bir şey heç vaxt baş verməyib və bundan sonra da baş verməyəcək.
Mən oyun alverinə görə cəzalanmamışam”.
Konte "Yuventus”un
baş məşqçisi olarkən, 2012/2013 mövsümündə danışılmış oyunlarda ittiham olunaraq,
4 ay müddətinə cəzalandırılmışdı.