Mourinyo fanatlara arxalanacaq
"Mançester Yunayted”in baş məşqçisi Joze Mourinyo Çempionlar
Liqasının 1/8 finalında "Sevilya” ilə keçirilən ilk oyundan (0:0) sonra
fikirlərini bildirib.
Kaspi.az xəbər verir ki, Mourinyo "Old Trafford”da fərqli
qarşılaşmanın olacağını bildirib. O, doğma meydanda fanatlara arxalanacaqlarını
vurğulayıb:
"Old Trafford”da çoxdandı ki, böyük avrokubok gecəsi olmayıb. Düzdü,
biz ötən mövsüm Avropa Liqasının 1/4 və yarımfinalında oynamışıq. Ancaq Avropa
Liqası ÇL deyil.
Cavab qarşılaşmasında azarkeşlərimizə arxalanacağıq. Əgər "Old
Trafford”da fanatlar bu gün "Sevilya”nın azarkeşlərinin yaratdığı atmosferi
yarada bilsələr, bizə yalnız qələbə qazanmaq qalacaq. Fanatlarımız bizi irəli
qovmalıdırlar”.