“Miulan” “Barsa” ilə nəyi müzakirə edib?
"Barselona” "Milan”ın hücumçusu Xerard Deulofeunu transfer etməkdə
israrlıdır.
Kaspi.az xəbər verir ki, "Barsa” rəhbərliyi bununla bağlı "Milan”la
müzakirələr aparıb. Bu barədə məlumatı "Milan”ın vitse-prezidenti Adriano
Qalliani verib. Ancaq o, danışıqların məğzi barədə məlumat verməkdən imtina
edib:
"Bəli, mən "Barselona” ilə Deulofeu barədə müzakirələr aparmışam.
Ancaq kartları açıqlamayacağam. Hazırda klubun transfer siyasəti barədə heç nə
deyə bilmərəm”.
Bir müddət əvvəl məlumat yayılmışdı ki, "Barselona” Deulofeunu heyətə
qaytarmaq istəyir. Hazırda hücumçunun transfer hüququ "Everton”a məxsusdur. O,
"Milan”da icarə əsasında çıxış edir. Kataloniya klubunun futbolçunu 12 milyon
avroya almaq hüququ var.