Misirlə Naxşıvan arasında birgə layihələr reallaşacaq - Fotolar
Misir Ərəb Respublikasının Azərbaycandakı
Səfirliyinin Mədəniyyət və Təhsil Əlaqələri Mərkəzinin müdiri Əhməd Sami Elaydi
2-3 noyabr 2016-cı il tarixlərində Naxçıvan Muxtar Respublikasında səfərdə
olub. Səfər çərçivəsində bir sıra görüşlər keçirilib. Mərkəzdən "Kaspi”yə daxil
olan məlumata görə, Misir Mədəniyyət Mərkəzinin müdiri Əhməd Sami Elaydi
Naxçıvan şəhərində Heydər Əliyev Muzeyində olub. Muzeyin direktoru Ramil
Orucəliyev qonağa Muzeyin yaranması tarixindən, dünya şöhrətli siyasi
xadim, ümummilli lider Heydər Əliyevin
böyük həyat yolu barədə və muzeydə ümummilli liderə məxsus saxlanılan
əşyalarla, şəkillərlə tanış edərək onlar haqqında geniş məlumat verdi. Misir
Mədəniyyət Mərkəzinin müdiri Əhməd Sami Elaydi muzeylə tanışlıqdan böyük
məmnunluğunu bildirərək, muzeyin xatirə kitabına ürək sözlərini yazdı.
2 noyabr
tarixində Misir Ərəb Respublikasının
Azərbaycandakı Mədəniyyət Təhsil Əlaqələri Mərkəzinin müdiri Əhməd Sami Elaydi
və Naxçıvan Muxtar Respublikası Mədəniyyət və Turizm Nazirliyinin rəsmiləri ilə
görüş keçirilib.
Naxçıvan Muxtar Respublikası Mədəniyyət və Turizm
Nazirliyinin rəsmisi qonağı salamlayaraq bu səfərdən məmnunluğunu bildirib.
Söhbət zamanı Misir və Azərbaycan mədəni əlaqələrinin daim yüksək səviyyədə
olduğunu qeyd edən Misir Mədəniyyət və Təhsil Əlaqələri Mərkəzinin müdiri
əlaqələrin inkişafında muxtar respublikasının rolunun vacibliyini vurğulayıb.
Tərəflər arasında Naxçıvan Muxtar Respublikasında birgə layihələrin keçirilməsi,
muxtar respublikanın tarixinə, adət-
ənənələrinə və milli folkloruna aid tədbirlərin Misirdə keçirilməsi, eləcədə
Misirin tarixi və mədəniyyəti haqqında tədbirlərin muxtar respublikada təşkil
olunması barədə, eləcə də Misirdə təşkil olunan beynəlxalq film festivallarında
muxtar respublikanın iştirakı məsələləri müzakirə olunub.
Həmçinin 2 noyabr tarixində Misir Ərəb
Respublikasının Azərbaycandakı Səfirliyinin Mədəniyyət və Təhsil Əlaqələri
Mərkəzinin müdiri Əhməd Sami Elaydi Naxçıvan Muxtar Respublikası Təhsil
Nazirliyinin rəsmisi ilə görüşüb.
Görüş zamanı Təhsil Nazirliyinin rəsmisi muxtar
respublikanın rəhbərliyinin təhsilə göstərdiyi diqqəti və qayğının nəticəsində
bu gün orta və ali məktəblərdən olan
məzunların yüksək nailiyyətləri barədə məlumat verdi. Öz növbəsində Misir
Mədəniyyət və Təhsil Əlaqələri Mərkəzinin müdiri Əhməd Sami Elaydi Mərkəzin
fəaliyyət istiqamətləri haqqında geniş məlumat verdi. Tanışlıq və əməkdaşlıq
xarakteri daşıyan görüşdə Misir Azərbaycan arasında təhsil sahəsində bağlanılmış
icra əməkdaşlıq müqaviləsinə əsasən misirli tələbələrin muxtar respublikada
təhsil almalarını və gələcəkdə təhsil sahəsindəki əməkdaşlığın daha da
genişləndirilməsi, təhsil müəssisələrində Misir-Azərbaycan dostluğu barədə
mühazirələrin və sərgilərin keçirilməsi mövzusunda müzakirələr edilib.