Misirin qapıçısı pivəyə görə mükafatdan imtina etdi

Misir yığmasının qapıçısı Məhəmməd Əl-Şənavi Uruqvayla keçirilən qarşılaşmanın ən yaxşı oyunçusu seçilib.

Kaspi.az xəbər verir ki, amma qapıçı ən yaxşı oyunçu üçün verilən mükafatı qəbul etməkdən imtina edib. Buna səbəb isə mükafatı pivə şirkətlərindən birinin təqdim etməsi olub.

Misirli qapıçı müsəlman olduğunu əsas gətirərək, bu mükafatı qəbul edə bilməyəcəyini deyib. Qeyd edək ki, qarşılaşma Uruqvayın 1:0 hesablı qələbəsi ilə yekunlaşıb.