Misir dünya çempionu ola bilər
Ukrayna
yığmasının sabiq futbolçusu, Azərbaycan əsilli Aleksandr Əliyev dünya
çempionatı ilə bağlı fikirlərini bildirib.
Kaspi.az xəbər
verir ki, Əliyev mundialın favoriti hesab etdiyi komandaların adlarını
açıqlayıb. O, dünya çempionatında sürpriz komandanın da qalib ola biləcəyini
vurğulayıb:
"Dünya
çempionatının favoritləri Almaniya, Fransa və Argentinadır. Misir də mundialın
qalibi ola bilər.
Niyə də yox? Məgər
Misir zəif komandadır? Yunanıstanın Avropa çempionu olacağını kim
proqnozlaşdıra bilərdi? Heç kim.
Kim deyə bilərdi
ki, Portuqaliya Fransada Avropa çempionu olacaq? Futbol, proqnozlaşdırılması
mümkün olmayan oyundur”.