AZE | RUS | ENG |

Miqrasiya qanunvericiliyinin tələblərini pozmuş 10 banqladeşli saxlanılıb

Miqrasiya qanunvericiliyinin tələblərini pozmuş 10 banqladeşli saxlanılıb
Dövlət Miqrasiya Xidməti tərəfindən qanunsuz miqrasiyaya qarşı keçirilmiş tədbirlər nəticəsində miqrasiya qanunvericiliyinin tələblərini pozmuş 10 nəfər Banqladeş Xalq Respublikasının vətəndaşı saxlanılıb.
Araşdırma zamanı Banqladeş Xalq Respublikasının vətəndaşı  Miah Firusun Naxçıvan Muxtar Respublikası ərazisindən keçməklə Azərbaycan-Türkiyə-Avropa marşrutu ilə qanun­suz miq­rasiya kanalını təşkil etdiyi məlum olub. Belə ki, Miah Firus Türkiyədə yaşayan Banqladeş vətəndaşı Baharul Babarla əlaqəyə girərək Banqladeş vətəndaşları Bepari MD Uzzal, Amin Mohammad Nurul, Hasan MD Mahibul, Kudus MD, Hasan Mahmudulun Naxçıvan istiqamətindən Türkiyəyə keçirilməsini təşkil etməyə çalışıb. Bu məqsədlə öz həmvətənlərini aldadaraq Azərbaycana gətirib burada onları müxtəlif ünvanlarda yerləşdirib. Təşkilatçı Mirah Firus da daxil olmaqla qeyd edilən əcnəbilər Naxçıvan Muxtar Respublikasına getməyə cəhd edərkən Dövlət Miqrasiya Xidməti əməkdaşları tərəfindən saxlanılıblar.      
Həmçinin, qanunsuz miqrasiyaya qarşı keçirilmiş tədbirlər zamanı ölkə ərazisində qeyri-leqal yaşayan Banqladeş Xalq Respublikası vətəndaşları Ahmad Rubel, Ali Muslim, Uddin Mohammad Jamir, Ahmad Mohammad Foysal saxlanılıblar. Məlum olub ki, qeyd edilən şəxslər Azərbaycan-İran-Türkiyə-Avropa marşurutu üzrə qanun­suz miq­rasiya axınına qoşulmaq məqsədilə Banqladeş Xalq Respublikası vətəndaşı  Nahid Neovaz tərəfindən aldadılaraq Azərbaycana göndəriliblər. Nahid Neovazın qanunsuz əməlləri Dövlət Miqrasiya Xidməti tərəfindən aşkar edilib və şəxs bu il yanvarın 25-də Azərbaycan Respublikasının hüdudlarından kənara inzibati qaydada çıxarılıb.
Dövlət Miqrasiya Xidməti tərəfindən qanunsuz miqrasiyaya qarşı keçirilmiş kompleks tədbirlər nəticəsində son 5 ay ərzində Azərbaycan Respublikası ərazisindən istifadə etməklə əcnəbilərin qanunsuz yollarla İran-Türkiyə-Avropa marşurutu üzrə miqrasiya kanalını təşkil edən 5 mütəşəkkil dəstə ifşa edilərək zərərsizləşdirilib.
Xidmət qanunsuz miqrasiyaya qarşı mübarizə çərçivəsində tədbirləri davam etdirir.  

Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
USD 1 1 ABŞ dolları 1.7
EUR 1 1 Avro 1.9202
GEL 1 1 Gürcüstan larisi 0.6439
GBP 1 1 İngiltərə funt sterlinqi 2.1929
IRR 100 100 İran rialı 0.004
SEK 1 1 İsveç kronu 0.1835
CHF 1 1 İsveçrə frankı 1.6908
KWD 1 1 Küveyt dinarı 5.5954
TRY 1 1 Türkiyə lirəsi 0.3202