Milli təhsil quruculuğu tarixi
Azərbaycan
Xalq Cümhuriyyəti dövründə (1918-1920) 1918-ci il dekabrın 13-dən
28-dək olan müddətdə milli təhsil
quruculuğu tariximizdə əhəmiyyətli
rolu olmuş xalq və ali-ibtidai məktəb
müfəttişlərinin, müəllim və
pedaqoqların, təhsil işçilərinin ilk qurultayı
keçirilmişdir. Həmin əlamətdar
hadisədən 100 il keçməsinə
baxmayaraq Bakı şəhərində, 2-ci
real məktəbinin zalında
Xalq Maarif Nazirinin müavini Həmid
bəy Şahtaxtinskinin sədrliyi ilə keçirilmiş
qurultayın materialları müasir
dövrdə də unudulmur və bu gün də dərin hörmət və ehtiramla öyrənilir, tədqiq
edilir və gənc nəslin
elmi - pedaqoji biliyinin artırılmasında istifadə
edilir. Azərbaycan
xalq maarifi və məktəbinin bu və ya digər tarixi mərhələlərdə necə
inkişaf etdiyini, hansı inkişaf mərhələlərindən keçdiyini öyrənmək hər zaman
olduğu kimi, bu gün də zəruridir. Azərbaycan
Respublikasının Prezidenti İlham Əliyevin qeyd etdiyi kimi: "Azərbaycan təhsil
tarixi hər birimizin fəxr etdiyi nailiyyətlərlə
zəngindir. Azərbaycan müəllimləri bütün
tarix boyu, təhsildə varisliklə novatorluğu, ənənə ilə islahatın vəhdətini öz fəaliyyətlərində
əks etdirmişlər....” "Təhsil əsri” adı qazanmış XXI əsr Azərbaycan təhsilinin də
yeniləşməsini və müasirləşməsini tələb edir”.
Cümhuriyyət dövründə çağırılmış ilk qurultayın təhsil
tariximizdəki əhəmiyyətli rolunu
nəzərə alaraq, onun fəaliyyətinə
bir daha nəzər salmaq və milli təhsil quruculuğunda xidmətləri olmuş tanınmış maarif fədailərini böyük hörmət və
ehtiramla yad etmək, həmçinin gənc nəslin
elmi-pedaqoji biliyinin artırılması məqsədilə arxiv sənəd və materialları əsasında
hazırladığım bu məqaləni hörmətli
oxucularımızın diqqətinə çatdırıram:
Azərbaycan Xalq Cümhuriyyəti hökumətinin qarşısında
duran ən vacib məsələlərdən biri də yenicə yaradılmış respublikada xalq
maarifi və təhsilinin
inkişafına, savadsızlığın və geriliyin aradan qaldırılmasına, məktəb-təhsil
işinin geniş surətdə yayılmasına nail olmaqdan ibarət idi. Qarşıda duran məqsədlərə
çatmaqdan ötrü xalq maarifinin yayılması üzrə çoxşaxəli tədbirlərin, o cümlədən ibtidai, ümumi orta, texniki və peşə
təhsili üzrə anadilli məktəblər şəbəkəsinin yaradılması, məktəb və təhsil
işinin milli köklər üzərində yenidən
qurulması, ana dilində milli proqram və dərsliklərin işlənib
hazırlanması və nəşr edilməsi, qadınların dünyəvi təhsil
alması üçün müvafiq təhsil ocaqlarının açılması, yaşlıların təhsili üzrə
lazımi tədbirlərin həyata keçirilməsi təxirəsalınmaz bir vəzifə kimi
milli hökumətin və Xalq
Maarif Nazirliyinin qarşısında
dayanırdı. Bu vəzifənin ölkəmiz üçün nə qədər böyük əhəmiyyət kəsb etdiyi, respublikamızın Dövlət
Arxivi və Dövlət Tarix Arxivinin
müvafiq fondlarında saxlanılan
tarixi sənədlərdə öz əksini tapmışdır. Məsələn,
Azərbaycan Respublikası Xalq Maarif Naziri N.b.Yusifbəylinin 1918-ci ilin
dekabr ayında Bakı Qubernatoruna göndərdiyi məktubda qeyd edilirdi: "1917-ci il
çevrilişinədək Rusiya hökuməti özünün
xüsusi siyasi niyyətlərini əldə rəhbər tutaraq, xalqın maarifləndirilməsi işinə
çox az qayğı göstərmişdi. Ölkədəki məktəblərin vəziyyəti olduqca acınacaqlı
idi. Xalq məktəbləri özünün dözümlüyü baxımından dövlət orqanizmindəki
"sağalmaz yaranı" xatırladırdı. Çar hökuməti bununla barışmağa məcbur idi və
eyni zamanda məktəbləri məhdud çərçivədə
saxlamaqdan ötrü müxtəlif tədbirlər həyata
keçirirdi. Xalq maarifinin daşıyıcıları olan xalq müəllimləri çar hökuməti tərəfindən müxtəlif təhqir və təqiblərə məruz qalırdılar... Həmin hökumətin ucbatından hazırda Azərbaycanın bütün ərazisi
boyu məktəblərə böyük ehtiyac duyulur və indi Nazirlik bütün qüvvəsini yeni məktəblərin,
müəllim kurslarının və s. açılmasına yönəldərək,
mümkün qədər qısa müddətdə ölkədə maarif və təhsil işini lazımi səviyyədə qurmağa çalışır. Çünki, indiki zamanda yalnız
savadlı xalqın sərbəst yaşamağa hüququ və
imkanı vardır. Xalqın mövcud vəziyyətə ayıq münasibət göstərməsi və onun vətənə
şüurlu məhəbbət ruhunda tərbiyə
olunması vacibdir. Bu işin öhdəsindən
xalq maarifi və onun daşıyıcısı
olan xalq müəllimləri gələ bilərlər. Vətənin mövcudluğunu və tərəqqisini əziz
tutan hər bir vətəndaşın mənəvi borcudur ki, bütün qüvvəsini fəaliyyətdə
olan məktəblərə dəstək olmağa yönəltsin və yeni məktəblərin açılması işinə əlindən
gələn köməkliyi etsin. Təbiidir ki, xalq müəllimlərinə, onların böyük və ağır əməyinə cəmiyyətdə layiqli yüksək yer
ayrılmalıdır”. Məktubda Bakı
qubernatorundan həmçinin xahiş edilirdi ki, onun tabeçiliyində olan bütün təşkilatların
rəhbərlərinə tapşırılsın ki, onlar ölkədə məktəblərin açılması və onların fəaliyyətinin
təmin edilməsi, məktəb rəhbərlərinin və xalq müəllimlərinin bütün ehtiyaclarının ödənilməsi
işinə dəstək olsunlar ki, müəllimlər də
öz müqəddəs vəzifələrini layiqincə yerinə
yetirə bilsinlər. Ölkənin gələcək taleyi
bu işlərin müvəffəqiyyətindən çox asılıdır.
Azərbaycan Respublikasının Dövlət Arxivlərində
mühafizə edilən arxiv sənəd və materiallar
və digər tarixi mənbələr təsdiq
edir ki, Azərbaycan Xalq Cümhuriyyəti hökuməti yarandığı ilk vaxtdan etibarən
xalq maarifi, təhsil və mədəniyyətinin
inkişaf etdirilməsini taleyüklü məsələ kimi ön
cərgəyə çəkmişdir. Çünki, respublikada,
xalq maarifi qarşısında duran məsələləri
həll etmədən müstəqilliyini yenicə
əldə etmiş ölkənin gələcək inkişafını təmin etmək, onun iqtisadi qüdrətini möhkəmləndirmək mümkün deyildi. Respublikada maarif, təhsil, təlim-tərbiyə işinin ən
aktual məsələlərini yubanmadan müzakirə
etmək və həlli yollarını tapmaqdan ötrü, Xalq Maarif Nazirliyinin təşəbbüsü
ilə Bakı şəhərində 2-ci real məktəbin
zalında, 1918-ci il dekabr ayının 13-dən
28-dək olan müddətdə Xalq Maarif Nazirinin müavini, Həmid bəy Şahtaxtinskinin sədrliyi ilə xalq və ali-ibtidai məktəb müfəttişləri və müəllim
seminariyaları direktorlarının qurultayı
çağırıldı. Azərbaycan hökumətinin 17 dekabr 1918-ci il tarixli qərarı ilə bu
qurultaya ezamiyyə edilmiş şəxslərin həmin müddətdə yaşayış xərclərinin ödənilməsi
üçün Xalq Maarif Nazirinin sərəncamına 24 min publ həcmində pul vəsaiti ayrıldı.
Ölkəmizdə tanınmış pedaqoqların, maarif və təhsil
xadimlərinin - Həmid bəy Şahtaxtinski,
Azad bəy Əmirov, Rəşid bəy Əfəndiyev, Soltan Məcid Qəniyev, Abdulla bəy Əfəndiyev,
Firidun bəy Köçərli, Cavad Cuvarlinski, Səməd bəy Acalov, Əhməd ağa Mustafayev, M.Mahmudov, N.Nərimanbəyov, Ş.Səfərəlibəyov
və başqalarının iştirakı ilə keçirilmiş
həmin qurultay böyük əhəmiyyətə malik olmuşdur. Qurultayda müzakirə ediləcək məsələlərin siyahısı Xalq
Maarif Nazirliyinin xalq təhsili üzrə baş idarəsinin rəisi Azad bəy
Əmirov tərəfindən qurultay iştirakçılarına əvvəlcədən göndərilmişdi. Azərbaycan Respublikası Dövlət
Tarix Arxivinin müvafiq fondlarında saxlanılan
sənədlər araşdırılarkən, xalq təhsili
üzrə baş idarənin rəisi A.b. Əmirovun Qazax
müəllimlər seminariyasının direktoru F.b. Köçərliyə göndərdiyi
siyahı aşkar edilmişdir. Həmin
siyahıda qurultayın müzakirəsinə
çıxarılmış məsələlərin aşağıdakılardan
ibarət olduğu göstərilirdi:
I. Maliyyə məsələləri. 1919-cu ilə
dair xərclər smetasının
müzakirəsi: 1) ibtidai məktəblər üzrə; 2) ali-ibtidai məktəblər
üzrə; 3) Maryinski məktəbləri üzrə; 4) sənət məktəbləri üzrə; 5) xalq
məktəb müfəttişlərinin dəftərxanaları üzrə.
Qurultayda xərclər smetasının
müzakirəsi ilə əlaqədar
müəyyən vəzifələrin ləğvi
və yeni vəzifələrin
təsis edilməsi məsələlərinə
baxılması da nəzərdə tutulmuşdur.
II. İnzibati məsələlər: Xalq məktəbləri
müfəttişlərinin ali-ibtidai,
Maryinski və sənət məktəbləri, habelə digər
aşağı kateqoriyalı məktəblərə
olan münasibəti. Yuxarıda adları
sadalanan məktəblər üzrə
ayrılan xərclərə dair
izahatın verilməsi.
III. Proqram məsələlər:
İbtidai məktəblərin
eynitipliliyi (zemstvo,normal,prixod /məhəllə/ və s; İbtidai məktəblər
üçün proqram və dərsliklərin tərtib
edilməsi.
IV. Ümumi xarakterli
məsələlər:
Müəllim
kursları və onun bəndləri; Rayon qurultayları; Dəftərxana yazışmalarının üsulları
və əsasən də pul
hesabatlarının aparılması yolları
ilə tanış olması
məqsədilə müəllimlər üçün
kursların keçirilməsi; Kənd sakinləri
üçün mütaliələrin keçirilməsi; Əlifba məsələsi; müəllimlərin hərbi
mükəlləfiyyətə münasibəti; Peşə təhsilinin
təşkili; Sinifdən xaric oxu; Uşaq
bağçaları; Məktəb və pedaqoji
muzeylər; Məktəb və müəllim ekskursiyaları; Məktəb dərman
qutuları; Məktəb əmanət kassaları; Hərbi və digər gimnastika; Coğrafi, tarixi
və digər müsəlman
xəritələri; Səyyar müsəlman əlifbaları; Xalq məktəbləri müfəttişləri nəzdində dərs vəsaiti anbarları.
Siyahıda qeyd olunan məsələlər ölkəmizdə maarif, təhsil,
məktəb-tədris və təlim-tərbiyə işinin
aktual və həlli yubanmadan tələb olunan tapşırıqlar kimi qurultayın müzakirəsinə
çıxarılmışdır. Qurultayın müzakirəsinə çıxarılmış məsələlərin
çoxşaxəli və mürəkkəb olduğunu
nəzərə alaraq, həmin məsələlərin ətraflı müzakirə edilməsi və praktiki əhəmiyyətə
malik qərarların qəbul edilməsi üçün dekabrın 17-də keçirilmiş 3-cü iclasda
müxtəlif sahələr üzrə təcrübəli pedaqoq və təhsil mütəxəssislərindən ibarət səriştəli komissiyaların yaradılması haqqında qərar
qəbul edildi. Həmin komissiyalar ayrı-ayrı sahələr üzrə aşağıdakı tərkibdə
yaradılmışdır:
1.
Ali-ibtidai məktəblərin smetasının işlənib hazırlanması üzrə
komissiyanın tərkibi: S. Acalov; A. Mahmudov; Ə.Mustafayev;
M.b.Əfəndiyev; B.Kiçikxanov.
2.
Maryinski və sənət məktəbləri
üzrə smetanın işlənib hazırlanması üzrə-V.Y.Vasilyev; H.Nərimanbəyov; İ.Qəbulov
və C.Cuvarlinski.
3.
Müfəttişlərin dəftərxanalarının
smetasının işlənib hazırlanması və ali-ibtidai, sənət və Maryinski məktəblərinin
müfəttişliyə münasibəti üzrə - Ş.Səfərəlibəyov;
A.Minasazov; M.b.Quliyev; A.Qiyasbəyov; M.Mahmudov; A.Mustafayev.
4.
Aşağı ibtidai məktəblərin eynitipliliyi üzrə- Gəncə müəllimlər
seminariyasının direktoru V.Y.Vasilyev; Xalq
məktəbləri inspektorları: -Nuxa qəzası
üzrə Abdulla bəy Əfəndiyev, Naxçıvan qəzası üzrə Rəşid bəy Əfəndiyev;
Gəncə qəzası üzrə Cavad bəy Cuvarlinski və Zaqatala quberniyası üzrə İsmayıl bəy
Qəbulov.
Məktəb və
müəllimlərin əməli fəaliyyətlərinə kömək göstərəcək qərarların qəbul edilməsi məqsədilə, Qurultayın gündəliyinə
çıxarılmış yuxarıda qeyd olunmuş məsələlər üzrə ətraflı müzakirələr
aparılmışdı. Qurultayda iclasların gün ərzində
fasiləsiz olaraq gərgin keçdiyi barədə hökumətin mətbu orqanı olan "Azərbaycan”
qəzetində də məlumat verilmişdir. Qurultayda "Aşağı ibtidai məktəblərin
eynitipliliyi” məsələsi üzrə yaradılmış
komissiyanın dekabrın 17-də keçirilmiş iclasında qurultayın sədri, Xalq Maarif Nazirinin müavini Həmid bəy
Şahtaxtinskinin "zemski”, "normal”, "prixodski” adlanan aşağı ibtidai məktəblərin
eynitiplilik prinsipinin həyata keçirilməsi haqqında təklifi dinlənildi. Komissiya
üzvləri məktəblərin vahidliyinə nail olmaqdan ötrü belə nəticəyə gəldilər ki, respublikada fəaliyyət
göstərən və son nəticə etibarı ilə eyni məqsəd güdən bütün aşağı ibtidai məktəblər
"Azərbaycan Respublikası Xalq Maarif Nazirliyinin aşağı ibtidai məktəbləri"
vahid termin altında birləşdirilsin və onların saxlanması üçün tələb olunan xərclər
dövlət xəzinəsindən maliyyələşdirilsin. Komissiya
aşağıdakı amillərə əsaslanaraq
belə bir nəticəyə
gəlmişdir:
1) Hazırda
"zemski” adlandırılan aşağı ibtidai məktəblərin müəyyən bir qrupunun dövlət xəzinəsindən maliyyələşdirilməsi,
habelə "zemski” rüsumlarının xəzinənin mədaxilinə yönəldilməsi haqqında
qurultayın qərarından sonra həmin məktəblərin "zemski”
adlandırılmasına əsas və ehtiyac qalmır. Çünki, həmin məktəblər
yalnız bir əlamətinə görə - "zemski” rüsumlarından asılılığına görə, "zemski”
məktəbləri termini altında
ayrıca bir qrupda
birləşdirilmişdir.
2) 1828-ci ilin
nizamnaməsinə görə, "prixodski”
adlandırılan məktəblərdə təlim-tərbiyə işinin
müasir qoyuluşu onun
yaradılmasının ilkin məqsədlərindən çox uzaqlaşdırıldığından, indi həmin məktəbləri
1828-ci ilin nizamnaməsinə görə "prixodski”
adlandırmaq doğru olmazdı. Komissiya həmin addan imtina etməyi və
bu adda fəaliyyət
göstərən məktəbləri digər
aşağı ibtidai məktəblər kimi "Xalq Maarif Nazirliyinin
aşağı ibtidai məktəbləri” adlandırmağı qərara aldı.
3. Komissiya, "normal” kənd məktəbləri məsələsi üzrə 1873-cü ildən Zaqafqaziya diyarında, o
cümlədən Azərbaycanda meydana gəlmiş "normal kənd məktəbləri” terminologiyasını
da ləğv etmək qərarına gəlmişdir. Komissiyanın bu qərara gəlməsinə başlıca səbəb,
həmin məktəblərdə çalışan müəllimlərin hüquqi vəziyyətinin digər xalq müəllimlərinin
hüquqi vəziyyəti ilə ədalətli müqayisəsi olmuşdur. Yaranmış
vəziyyəti nəzərə alaraq, komissiya belə qənaətə gəlmişdir ki, xalq müəllimləri
arasında ayrı seçkiliyə yol vermək olmaz. Normal kənd məktəblərinin də təxirə
salınmadan aşağı ibtidai məktəblərin ümumi vahid ailəsinə daxil edilməsi
vacib sayılsın və aşağı ibtidai məktəblərdə çalışan bütün müəllimlərin dövlət
qulluğunda olduğu tanınsın, onlara dövlət qulluğuna aid hüquq və imtiyazlardan
həm işlədikləri müddətdə, həm də təqaüdə çıxarkən istifadə etmək hüququ verilsin.
Qurultay
nümayəndələrindən dərsliklər üzrə seçilmiş komissiyanın iclası da dekabrın 17-də
keçirilmişdir. Dərsliklər barədə seçilmiş komissiyanın tərkibi aşağıdakı təcrübəli
pedaqoq və təhsil mütəxəssislərindən ibarət idi:
1. Bakı quberniyası xalq məktəblərinin
direktoru Sultan Məcid Qəniyev;
2. Şuşa və Cavanşir qəzaları xalq məktəbləri müfəttişi Həşim bəy Nərimanbəyov;
3. Naxçıvan qəzası xalq məktəbləri müfəttişi-Rəşid bəy Əfəndiyev.
Məsələ ilə
bağlı məruzə Rəşid bəy Əfəndiyev tərəfindən təqdim edilmişdir:
Komissiya
əldə olan dərsliklərə baxdıqdan sonra onlardan aşağıdakıları yararlı hesab edərək
ibtidai məktəblərdə təcrübədən keçirməyi qərara aldı:
1. Birinci
bölmədə ilk dərslərin deyilməsi üçün Mahmud bəy Mahmudbəyonun "Türk əlifbası” və
Aleksey Osipoviç Çernyayevskinin "Vətən dili” dərsliyi qənaətbəxş hesab
edilsin.
2. İbtidai məktəblərin həmin bölməsində hesab dərsi
üzrə Qafur Rəşadın hesab dərsliyi qəbul edilsin.
3. İbtidai məktəblərin ikinci bölməsində dil və
oxu dərsi üçün Bakı müəllimlərinin tərtib etdikləri kitablar (adları göstərilmir-R.S.)
hələlik qənaətbəxş hesab edilsin.
4. Bu bölmədə hesab fənni üzrə hələlik Qəbulovun
"Rəhbər-Hesab” dərsliyi və Həmid bəy Usubbəyovun hesab elmi kitabı qəbul
edilsin.
5. 3-cü bölmədə dil fənni üçün Rəşid bəy Əfəndiyevin
"Bəsirət-ül-ətfal” kitabından istifadə edilsin.
6. Bu bölmədə hesabdan dərs keçmək üçün Həmid bəy
Usubbəyovun "Elm-Hesab” kitabı qəbul edilsin.
7. 4-cü və 5-ci bölmələrdə Abdulla Şaiqin "Gülzar”
və Ağayevin müntəxəbatı "Ədəbi əsərlərin toplusu” təcrübədən keçirilsin.
8. Qafur
Rəşadın "Rəhbər Sərf” və Axund Yusif Talıbzadənin "Sərf-Türkisi”.
9. Ali-ibtidai
məktəblərin bölmələrinin ilk və son buraxılışına Saleh Zəkinin təbiətşünaslığı
keçirilsin.
10. Ali-ibtidai məktəblərdə həndəsə üzrə
"Elm-İndus” həndəsə dərsliyi təcrübədən keçirilsin.
11. Təbiətşünaslıq
üzrə dərslik məruzədə
göstərilməmişdir.
12. Ali-ibtidai məktəblərdə
coğrafiya fənni Həsən Fəridin yeni coğrafiya fənni üzrə tədris
edilsin.
13. Tarix fənni üzrə hansı dərslik və kitabın
tövsiyə edildiyi barədə komissiyanın iclas protokolunda heç bir məlumat qeyd
edilməmişdir.
14. Digər
yazılmış əsərlərlə bağlı komissiya yalnız Mirzə Məmməd Axund oğlunun "Hesab
Sorğuları” sərlövhəli kitabına
baxaraq qərar almışdır ki, aradan
qaldırılması tələb olunan bəzi nöqsanlar müəllifin nəzərinə çatdırılsın.
Qurultayın Xalq
Maarif Nazirinin müavini Həmid bəy
Şahtaxtinskinin sədrliyi ilə dekabrın 18-də
keçirilmiş növbəti iclasında əvvəlki
iclaslarda iştirak etmiş nümayəndələrdən əlavə olaraq, Lənkəran qəzası
xalq məktəbləri müfəttişi G.N.Teterevyatnikov da iştirak
edirdi. İclasın gündəliyinə müzakirə üçün beş məsələ çıxarılmışdır:
1. 1918-ci ilin yanvar-dekabr ayları üzrə müəllimlərin
tam şəkildə ala bilmədikləri maaşları barədə;
2. Məktəblərin dava-dərman və
dərslik vəsaitləri ilə təmin edilməsi üçün dövlət xəzinəsindən müəyyən məbləğin
ayrılması;
3. Məktəbi
idarə etdiyinə, gimnastika, nəğmə, peşə dərslərini keçdiyinə görə müəllimlərin
mükafatlandırılması;
4. İdarə
"upravski” məktəblərinin maliyyələşdirilməsi barədə;
5. Müəllimlərin təqaüd kassaları
barədə.
Qurultayda
aparılmış gərgin müzakirələrin
nəticəsi olaraq həmin
məsələlərin həlli yolları
müəyyən edilmişdir.
Qurultayda iclasların gün ərzində fasiləsiz
olaraq gərgin keçdiyi
barədə hökumətin mətbu
orqanı olan "Azərbaycan”
qəzetində də məlumat
verilmişdir.
İbtidai məktəblərin
(zemski; normal; prixodski adlanan
aşağı ibtidai məktəblərin -R.S.) eynitiplilik
prinsipinin həyata keçirilməsi
məqsədilə respublikada fəaliyyət
göstərən və son nəticə etibarilə
eyni məqsəd güdən bütün
aşağı ibtidai məktəblərin
"Azərbaycan Respublikası Xalq
Maarif Nazirliyinin aşağı
ibtidai məktəbləri” vahid
termini altında birləşdirilməsi,
xalq müəllimlərinin hüquqi
vəziyyətinin eyniləşdirilməsi, onlar arasında
əvvəlki dövrlərdə yol
verilmiş ayrı-seçkiliyin aradan qaldırılması
və onların saxlanması
xərclərinin dövlət xəzinəsindən maliyyələşdirilməsi; Cəmiyyətlə məktəblər
arasında mübahisələr doğuran, məktəb və müəllimlərin nüfuzuna
xələl gətirən məktəblər
üzrə məktəb mükəlləfiyyətləri barədə
icma qərarlarının ləğv
edilməsi; yeni tədris proqramlarının işlənib
hazırlanması, dərsliklərin seçilməsi;
məktəbdən xaric təhsil
və bununla bağlı
məktəb kitabxanalarının təşkili; şagirdlərin tarixlə
vətənpərvərlik ruhunda tərbiyələndirilməsi üzrə
işlərin qoyuluşu; uşaq və
pedaqoji jurnalların buraxılması; uşaq bağçalarının
yaradılması; ibtidai məktəblərdə bədən
tərbiyəsi işinin təşkili; müəllim qıtlığı
problemi və onun həlli yollarının
araşdırılması; müəllimlərin əməyinin
ödənilməsi və s. həlli
təxirə salınmadan tələb
olunan məsələlər üzrə
müvafiq qərarlar qəbul
edilmiş, təklif və tövsiyələr
verilmişdir ki, bu da
öz dövrünün tələblərinə
uyğun yeni məktəb
quruculuğu və məktəb
islahatı işində olduqca
əhəmiyyətli olmuşdur. Təsadüfü deyildir
ki, qurultayın, dekabrın 24-də
xalq təhsili üzrə
baş idarənin rəisi
A.Əmirovun sədrliyi ilə
keçirilmiş iclasında Nuxa-Ərəş
rayonu xalq məktəbləri
müfəttişi, ali pedaqoji təhsilli
Abdulla bəy Əfəndiyev (görkəmli pedaqoq
Rəsid bəy Əfəndiyevin
qardaşıdır -R.S.) təklif etmişdir ki, qurultayın fəaliyyətini
əks etdirən hesabat
tərtib edilsin və
çap edilərək bütün
müfəttişliklərə göndərilsin.
Onun fikrincə, qurultayda
müzakirə edilən məsələlər
və qəbul edilmiş
qərarlar, məktəb-tədris və təlim-tərbiyə işlərinin müxtəlif sahələri
üzrə irəli sürülən
elmi-pedaqoji ideya və təkliflər respublikada
aparılan yeni məktəb
quruculuğu işində olduqca
əhəmiyyətlidir və təhsil
işçilərinin, o cümlədən direktor,
müfəttiş və müəllimlərin
fəaliyyət proqramına çevrilməlidir. Müfəttiş A.Əfəndiyevin
təklifi qurultay tərəfindən
qəbul edilmişdir.
Qurultayın qərarlarını əsas
tutan Xalq Maarif
Nazirliyi sonralar həmin
qərarların bir çoxunun
həyata keçirilməsi məqsədilə
Azərbaycan Xalq Cümhuriyyəti
Hökuməti və Parlamenti
qarşısında məsələ qaldırmış və müvafiq qərar
və qanunların qəbul
edilməsinə nail olmuşdur
ki, onlardan da bəzilərini
qeyd edirik: 1) Xalq müəllimlərinin hərbi
mükəlləfiyyətdən azad edilməsi; 2)Türk (Azərbaycan-R.S.)
ştiftinin əldə edilməsi
üçün Xalq Maarif
Nazirinin sərəncamına 200
min rubl həcmində
pul vəsaitin ayrılması;
3) Lazımi kitabların alınması
üçün Xalq Maarif
Nazirinin sərəncamına 18
min rubl həcmində
pul vəsaitinin ayrılması; 4) Yoxsul
ailələrdən olan şagirdlərə
müvəqqəti olaraq birdəfəlik
müavinətlərin verilməsi; 5) Aşağı
ibtidai məktəb müəllim və
qulluqçularının maaşları barədə
Parlament tərəfindən qəbul
edilmiş qanun və
başqaları.
Qeyd edəök ki, bu
qurultayda müzakirə edilmiş
məsələlər və qəbul edilmiş
qərarlar, irəli sürülmüş elmi-pedaqoji
ideya və təkliflər
1919-cu il avqustun
20-dən sentyabrın 1-dək
olan müddətdə Bakı şəhərində Azərbaycan
xalq müəllimlərinin
keçirilmiş növbəti qurultayında
bir qədər də
inkişaf etdirilərək təkmilləşdirilmiş və respublikanın təhsil
və maarif işçilərinin
fəaliyyət proqramına çevrilmişdir. Məktəbləri ölkənin
əsas mədəni dayağı
kimi qiymətləndirən, şəxsi
mənfəət ardınca qaçmayaraq
həyatını respublikanın kənd, rayon
və şəhərlərində pedaqoji
fəaliyyətə sərf edən, savadlı
gələcək nəslin yetişdirilməsi kimi
son dərəcə əhəmiyyətli
işlə məşğul olan
müəllim və pedaqoqların
qarşılaşdıqları problemlərin müzakirə
edilməsi və onların
həlli istiqamətində müvafiq
qərarların qəbul edilməsi
əlbəttə ki, son dərəcə
böyük əhəmiyyət kəsb
etmişdir.
Azərbaycan
Xalq Cümhuriyyəti dövründə
müəllim və pedaqoqların ilk
qurultayının materialları bu gün
də tədqiq edilir
və öyrənilir. Qurultayda
qəbul olunmuş qərarların
məlum səbəblər ucbatından
tam şəkildə həyata
keçirilməsi mümkün olmasa
da, milli təhsil
quruculuğu tariximizdə əhəmiyyətli
rolu və xidmətləri
olmuşdur. Həmin qurultayın təşkilində
və fəaliyyətində yaxından
iştirak etmiş tanınmış
müəllim və pedaqoqlar, maarif fədailəri
böyük hörmət və ehtiram hissi
ilə yad edilir, həmin
təcrübədən gənc nəslin elmi-pedaqoji
biliyinin artırılmasında, onların vətənpərvər
ruhda tərbiyə olunmasında
bu gün də
istifadə edilir. Azərbaycanda təhsilin
inkişafında, pedaqoji və elmi-pedaqoji kadrların hazırlanmasında xidmətləri olan pedaqoji elmlər
doktoru, akademik Hüseyn Əhmədovun
qeyd etdiyi kimi: "Xalqımızın zəngin
milli və ümumbəşəri
elmi-pedaqoji dəyərlərini tədqiq
etmək, onları üzə çıxarmaq, onlara yeni nəfəs vermək, gənc
nəslin elmi-pedaqoji biliyinin
artırılması işində ondan
istifadə etmək bütün
zamanlarda olduğu kimi, bu gün də
aktualdır”.
Qurultay
nümayəndələrindən dərsliklər üzrə seçilmiş komissiyanın iclası da dekabrın 17-də
keçirilmişdir. Dərsliklər barədə seçilmiş komissiyanın tərkibi aşağıdakı təcrübəli
pedaqoq və təhsil mütəxəssislərindən ibarət idi:
1. Bakı quberniyası xalq məktəblərinin
direktoru Sultan Məcid Qəniyev;
2. Şuşa və Cavanşir qəzaları xalq məktəbləri müfəttişi Həşim bəy Nərimanbəyov;
3. Naxçıvan qəzası xalq məktəbləri müfəttişi-Rəşid bəy Əfəndiyev.
Məsələ ilə
bağlı məruzə Rəşid bəy Əfəndiyev tərəfindən təqdim edilmişdir:
Komissiya
əldə olan dərsliklərə baxdıqdan sonra onlardan aşağıdakıları yararlı hesab edərək
ibtidai məktəblərdə təcrübədən keçirməyi qərara aldı:
1. Birinci
bölmədə ilk dərslərin deyilməsi üçün Mahmud bəy Mahmudbəyonun "Türk əlifbası” və
Aleksey Osipoviç Çernyayevskinin "Vətən dili” dərsliyi qənaətbəxş hesab
edilsin.
2. İbtidai məktəblərin həmin bölməsində hesab dərsi
üzrə Qafur Rəşadın hesab dərsliyi qəbul edilsin.
3. İbtidai məktəblərin ikinci bölməsində dil və
oxu dərsi üçün Bakı müəllimlərinin tərtib etdikləri kitablar (adları göstərilmir-R.S.)
hələlik qənaətbəxş hesab edilsin.
4. Bu bölmədə hesab fənni üzrə hələlik Qəbulovun
"Rəhbər-Hesab” dərsliyi və Həmid bəy Usubbəyovun hesab elmi kitabı qəbul
edilsin.
5. 3-cü bölmədə dil fənni üçün Rəşid bəy Əfəndiyevin
"Bəsirət-ül-ətfal” kitabından istifadə edilsin.
6. Bu bölmədə hesabdan dərs keçmək üçün Həmid bəy
Usubbəyovun "Elm-Hesab” kitabı qəbul edilsin.
7. 4-cü və 5-ci bölmələrdə Abdulla Şaiqin "Gülzar”
və Ağayevin müntəxəbatı "Ədəbi əsərlərin toplusu” təcrübədən keçirilsin.
8. Qafur
Rəşadın "Rəhbər Sərf” və Axund Yusif Talıbzadənin "Sərf-Türkisi”.
9. Ali-ibtidai
məktəblərin bölmələrinin ilk və son buraxılışına Saleh Zəkinin təbiətşünaslığı
keçirilsin.
10. Ali-ibtidai məktəblərdə həndəsə üzrə
"Elm-İndus” həndəsə dərsliyi təcrübədən keçirilsin.
11. Təbiətşünaslıq
üzrə dərslik məruzədə
göstərilməmişdir.
12. Ali-ibtidai məktəblərdə
coğrafiya fənni Həsən Fəridin yeni coğrafiya fənni üzrə tədris
edilsin.
13. Tarix fənni üzrə hansı dərslik və kitabın
tövsiyə edildiyi barədə komissiyanın iclas protokolunda heç bir məlumat qeyd
edilməmişdir.
14. Digər
yazılmış əsərlərlə bağlı komissiya yalnız Mirzə Məmməd Axund oğlunun "Hesab
Sorğuları” sərlövhəli kitabına
baxaraq qərar almışdır ki, aradan
qaldırılması tələb olunan bəzi nöqsanlar müəllifin nəzərinə çatdırılsın.
Qurultayın Xalq
Maarif Nazirinin müavini Həmid bəy
Şahtaxtinskinin sədrliyi ilə dekabrın 18-də
keçirilmiş növbəti iclasında əvvəlki
iclaslarda iştirak etmiş nümayəndələrdən əlavə olaraq, Lənkəran qəzası
xalq məktəbləri müfəttişi G.N.Teterevyatnikov da iştirak
edirdi. İclasın gündəliyinə müzakirə üçün beş məsələ çıxarılmışdır:
1. 1918-ci ilin yanvar-dekabr ayları üzrə müəllimlərin
tam şəkildə ala bilmədikləri maaşları barədə;
2. Məktəblərin dava-dərman və
dərslik vəsaitləri ilə təmin edilməsi üçün dövlət xəzinəsindən müəyyən məbləğin
ayrılması;
3. Məktəbi
idarə etdiyinə, gimnastika, nəğmə, peşə dərslərini keçdiyinə görə müəllimlərin
mükafatlandırılması;
4. İdarə
"upravski” məktəblərinin maliyyələşdirilməsi barədə;
5. Müəllimlərin təqaüd kassaları
barədə.
Qurultayda
aparılmış gərgin müzakirələrin
nəticəsi olaraq həmin
məsələlərin həlli yolları
müəyyən edilmişdir.
Qurultayda iclasların gün ərzində fasiləsiz
olaraq gərgin keçdiyi
barədə hökumətin mətbu
orqanı olan "Azərbaycan”
qəzetində də məlumat
verilmişdir.
İbtidai məktəblərin
(zemski; normal; prixodski adlanan
aşağı ibtidai məktəblərin -R.S.) eynitiplilik
prinsipinin həyata keçirilməsi
məqsədilə respublikada fəaliyyət
göstərən və son nəticə etibarilə
eyni məqsəd güdən bütün
aşağı ibtidai məktəblərin
"Azərbaycan Respublikası Xalq
Maarif Nazirliyinin aşağı
ibtidai məktəbləri” vahid
termini altında birləşdirilməsi,
xalq müəllimlərinin hüquqi
vəziyyətinin eyniləşdirilməsi, onlar arasında
əvvəlki dövrlərdə yol
verilmiş ayrı-seçkiliyin aradan qaldırılması
və onların saxlanması
xərclərinin dövlət xəzinəsindən maliyyələşdirilməsi; Cəmiyyətlə məktəblər
arasında mübahisələr doğuran, məktəb və müəllimlərin nüfuzuna
xələl gətirən məktəblər
üzrə məktəb mükəlləfiyyətləri barədə
icma qərarlarının ləğv
edilməsi; yeni tədris proqramlarının işlənib
hazırlanması, dərsliklərin seçilməsi;
məktəbdən xaric təhsil
və bununla bağlı
məktəb kitabxanalarının təşkili; şagirdlərin tarixlə
vətənpərvərlik ruhunda tərbiyələndirilməsi üzrə
işlərin qoyuluşu; uşaq və
pedaqoji jurnalların buraxılması; uşaq bağçalarının
yaradılması; ibtidai məktəblərdə bədən
tərbiyəsi işinin təşkili; müəllim qıtlığı
problemi və onun həlli yollarının
araşdırılması; müəllimlərin əməyinin
ödənilməsi və s. həlli
təxirə salınmadan tələb
olunan məsələlər üzrə
müvafiq qərarlar qəbul
edilmiş, təklif və tövsiyələr
verilmişdir ki, bu da
öz dövrünün tələblərinə
uyğun yeni məktəb
quruculuğu və məktəb
islahatı işində olduqca
əhəmiyyətli olmuşdur. Təsadüfü deyildir
ki, qurultayın, dekabrın 24-də
xalq təhsili üzrə
baş idarənin rəisi
A.Əmirovun sədrliyi ilə
keçirilmiş iclasında Nuxa-Ərəş
rayonu xalq məktəbləri
müfəttişi, ali pedaqoji təhsilli
Abdulla bəy Əfəndiyev (görkəmli pedaqoq
Rəsid bəy Əfəndiyevin
qardaşıdır -R.S.) təklif etmişdir ki, qurultayın fəaliyyətini
əks etdirən hesabat
tərtib edilsin və
çap edilərək bütün
müfəttişliklərə göndərilsin.
Onun fikrincə, qurultayda
müzakirə edilən məsələlər
və qəbul edilmiş
qərarlar, məktəb-tədris və təlim-tərbiyə işlərinin müxtəlif sahələri
üzrə irəli sürülən
elmi-pedaqoji ideya və təkliflər respublikada
aparılan yeni məktəb
quruculuğu işində olduqca
əhəmiyyətlidir və təhsil
işçilərinin, o cümlədən direktor,
müfəttiş və müəllimlərin
fəaliyyət proqramına çevrilməlidir. Müfəttiş A.Əfəndiyevin
təklifi qurultay tərəfindən
qəbul edilmişdir.
Qurultayın qərarlarını əsas
tutan Xalq Maarif
Nazirliyi sonralar həmin
qərarların bir çoxunun
həyata keçirilməsi məqsədilə
Azərbaycan Xalq Cümhuriyyəti
Hökuməti və Parlamenti
qarşısında məsələ qaldırmış və müvafiq qərar
və qanunların qəbul
edilməsinə nail olmuşdur
ki, onlardan da bəzilərini
qeyd edirik: 1) Xalq müəllimlərinin hərbi
mükəlləfiyyətdən azad edilməsi; 2)Türk (Azərbaycan-R.S.)
ştiftinin əldə edilməsi
üçün Xalq Maarif
Nazirinin sərəncamına 200
min rubl həcmində
pul vəsaitin ayrılması;
3) Lazımi kitabların alınması
üçün Xalq Maarif
Nazirinin sərəncamına 18
min rubl həcmində
pul vəsaitinin ayrılması; 4) Yoxsul
ailələrdən olan şagirdlərə
müvəqqəti olaraq birdəfəlik
müavinətlərin verilməsi; 5) Aşağı
ibtidai məktəb müəllim və
qulluqçularının maaşları barədə
Parlament tərəfindən qəbul
edilmiş qanun və
başqaları.
Qeyd edəök ki, bu
qurultayda müzakirə edilmiş
məsələlər və qəbul edilmiş
qərarlar, irəli sürülmüş elmi-pedaqoji
ideya və təkliflər
1919-cu il avqustun
20-dən sentyabrın 1-dək
olan müddətdə Bakı şəhərində Azərbaycan
xalq müəllimlərinin
keçirilmiş növbəti qurultayında
bir qədər də
inkişaf etdirilərək təkmilləşdirilmiş və respublikanın təhsil
və maarif işçilərinin
fəaliyyət proqramına çevrilmişdir. Məktəbləri ölkənin
əsas mədəni dayağı
kimi qiymətləndirən, şəxsi
mənfəət ardınca qaçmayaraq
həyatını respublikanın kənd, rayon
və şəhərlərində pedaqoji
fəaliyyətə sərf edən, savadlı
gələcək nəslin yetişdirilməsi kimi
son dərəcə əhəmiyyətli
işlə məşğul olan
müəllim və pedaqoqların
qarşılaşdıqları problemlərin müzakirə
edilməsi və onların
həlli istiqamətində müvafiq
qərarların qəbul edilməsi
əlbəttə ki, son dərəcə
böyük əhəmiyyət kəsb
etmişdir.
Azərbaycan
Xalq Cümhuriyyəti dövründə
müəllim və pedaqoqların ilk
qurultayının materialları bu gün
də tədqiq edilir
və öyrənilir. Qurultayda
qəbul olunmuş qərarların
məlum səbəblər ucbatından
tam şəkildə həyata
keçirilməsi mümkün olmasa
da, milli təhsil
quruculuğu tariximizdə əhəmiyyətli
rolu və xidmətləri
olmuşdur. Həmin qurultayın təşkilində
və fəaliyyətində yaxından
iştirak etmiş tanınmış
müəllim və pedaqoqlar, maarif fədailəri
böyük hörmət və ehtiram hissi
ilə yad edilir, həmin
təcrübədən gənc nəslin elmi-pedaqoji
biliyinin artırılmasında, onların vətənpərvər
ruhda tərbiyə olunmasında
bu gün də
istifadə edilir. Azərbaycanda təhsilin
inkişafında, pedaqoji və elmi-pedaqoji kadrların hazırlanmasında xidmətləri olan pedaqoji elmlər
doktoru, akademik Hüseyn Əhmədovun
qeyd etdiyi kimi: "Xalqımızın zəngin
milli və ümumbəşəri
elmi-pedaqoji dəyərlərini tədqiq
etmək, onları üzə çıxarmaq, onlara yeni nəfəs vermək, gənc
nəslin elmi-pedaqoji biliyinin
artırılması işində ondan
istifadə etmək bütün
zamanlarda olduğu kimi, bu gün də
aktualdır”.
RAFİQ SƏFƏROV,
Azərbaycan Respublikası Milli Arxiv
İdarəsinin Sənədlərin nəşri və istifadəsi şöbəsinin baş məsləhətçisi