AZE | RUS | ENG |

Milli Musiqi Günü qeyd olunub

Milli Musiqi Günü qeyd olunub
Bu gün Bakıda IV Beynəlxalq Musiqi Festivalının açılışı olacaq


18 sentyabr - Milli Musiqi Günü münasibətilə bu gün Azərbaycanın mədəniyyət və turizm naziri Əblüfəs Qarayev və bir qrup mədəniyyət xadimi Fəxri xiyabanda dahi bəstəkar Üzeyir Hacıbəylinin məzarını ziyarət ediblər. Mərasimdə çıxış edən mədəniyyət və turizm naziri Əbülfəs Qarayev dahi bəstəkar Üzeyir Hacıbəylinin Azərbaycan musiqisinə verdiyi töhfələrdən danışıb. Nazirin sözlərinə görə, Milli Musiqi Günü münasibətilə bu gün Bakıda IV Beynəlxalq Musiqi Festivalının açılışı olacaq. On gün davam edəcək festivalda iştirak məqsədilə dünyanın bir çox ölkələrindən tanınmış musiqiçilər Azərbaycana gələcəklər. Festival çərçivəsində möhtəşəm konsertlərin keçirilməsi planlaşdırılır. Bundan başqa, Milli Musiqi Günü münasibətilə bölgələrdə və xarici ölkələrdə silsilə tədbirlər keçiriləcək. Üzeyir Hacıbəyli irsinin qorunmasını çox vacib sayan nazir bundan sonra gələcək nəsillərin də dahi bəstəkarın ruhunu həmişə yad edəcəklərini və onun məzarını ziyarət edəcəklərinə ümid etdiyini bildirib. Qeyd edək ki, daha sonra Azərbaycan Dövlət Xor Kapellası Üzeyir Hacıbəylinin məzarı üzərində dahi bəstəkarın "Şəbi-hicran" kompozisiyasını ifa edib. İştirakçılar, həmçinin Fəxri xiyabanda dəfn olunmuş görkəmli musiqiçilərin - Rəşid Behbudov, Müslüm Maqomayev, Qara Qarayev və Tofiq Quliyevin, ümummilli lider Heydər Əliyevin və akademik Zərifə Əliyevanın məzarlarını ziyarət ediblər.

Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
USD 1 1 ABŞ dolları 1.7
EUR 1 1 Avro 1.9202
GEL 1 1 Gürcüstan larisi 0.631
GBP 1 1 İngiltərə funt sterlinqi 2.2177
IRR 100 100 İran rialı 0.004
SEK 1 1 İsveç kronu 0.1838
CHF 1 1 İsveçrə frankı 1.6833
KWD 1 1 Küveyt dinarı 5.5906
TRY 1 1 Türkiyə lirəsi 0.2949