Millət vəkili Naqif Həmzəyev Qazaxıstanda gənclər siyasətindən danışıb
27 noyabr 2019-cu il tarixində Qazaxıstanın Nur-Sultan şəhərində
Qazaxıstan Respublikası Parlamenti Məclisi ilə TÜRKPA-nın birgə təşkilatçılığı
ilə "Gənclərin dəyərləri və parlament həmrəyliyi” mövzusunda gənc parlamentarilərin
birinci toplantısı keçirilib.
Qazaxıstan Parlamenti Məclisinin Aqrar məsələlər komitəsinin sədri və
TÜRKPA İqtisadi əməkdaşlıq komissiyasının sədri cənab Berik Ospanovun
moderatorluq etdiyi toplantıda TÜRKPA üzv ölkələrinin parlamentariləri, eləcə də
Qazaxıstan dövlət orqanlarının nümayəndələri bir araya gəlib.
Ölkəmizi toplantıda təmsil edən Milli Məclisin AŞPA
nümayəndə heyətinin və Qazaxıstan dostluq qrupunun üzvü Naqif Həmzəyev çıxış edərək,
ölkəmizdə Prezident İlham Əliyevin rəhbərliyi ilə həyata keçirilən gənclər
siyasətindən danışıb. Bildirib ki, ölkəmizdə gənclər siyasətinin həyata
keçirilməsi sahəsində bir çox dövlət proqramları uğurla həyata keçirilir. Məqsədyönlü
siyasət nəticəsidir ki, bu gün Azərbaycanda yüksək intellektual səviyyəyə, vətənpərvərlik,
milli düşüncə və yüksək ideallara sahib gənclər formalaşıb. Gənclərimiz Azərbaycanı
xaricdə uğurla təmsil etməklə, ölkələr arasında əlaqələrin möhkəmlənməsinə töhfələrini
verməklə yanaşı, dünya ictimaiyyətinə Azərbaycan həqiqətləri, xüsusən də Ermənistanın
Azərbaycana təcavüzü və Dağlıq Qarabağ münaqişəsi barədə məlumatların
çatdırılmasında fəallıq göstərirlər.
Daha
sonra toplantının gənclər siyasəti ilə bağlı türkdilli ölkələrin ortaq
konsepsiyasının formalaşması yolunda ilk addım gənc parlamentarilər arasında
ideya və fikir mübadiləsi üçün fürsət olduğu qeyd edilib.
Hər
il gənc parlamentarilərin toplantısının keçirilməsi təklifi hər kəs tərəfindən
dəstəklənib.