“Milan” ağlını itirib - “Roma”nın prezidenti
"Roma”nın prezidenti Ceyms Pallotta "Milan”ı kəskin tənqid edib.
Kaspi.az xəbər verir ki, Pallottanı "Milan”ın transferlərə həddindən
artıq vəsait xərcləməsi hiddətləndirib. O, bunu ağılsızlıq hesab etdiyini
deyib:
"Milan”dan söz düşəndə, nə baş verdiyini heç cür anlamıram. Burda heç
bir məntiq yoxdur. Birincisi, klubun yeni sahiblərinin "Milan”ı almaq üçün pulu
yox idi. Onlar bunu reallaşdırmaq üçün mənim Londondakı tanışlarımdan 300
milyon avronu böyük faizlə götürüblər.
Onlar ağlasığmaz miqdarda vəsait xərcləyirlər. Amma bunun hesabı
verilməlidir axı. Deyirlər ki, guya Çempionlar Liqasında düşmək üçün belə
edirlər. Ordan gələcək gəlir bu xərcləri ödəməyəcək. "Milan”da demək olar ki,
məvaciblər gəlirlərə bərabərdir. Bu, ağılsızlıqdı.
Ola bilsin ki, onların böyük planları var. Yəqin ki, bu planı
gələcəkdə anlayacağıq. İndi isə mən heç nə başa düşmürəm”.