Bakı 18°C
“Mətbuatda və sosial mediada etik normaların təbliğinə dəstək” layihəsinin icrasına başlanır
Azərbaycan Jurnalistlər
Şəbəkəsi İctimai Birliyi Azərbaycan Respublikasının Prezidenti yanında
Qeyri-Hökumət Təşkilatlarına Dövlət Dəstəyi Şurasının maliyyə yardımı ilə yeni layihəsinin icrasına
başlayıb. "Mətbuatda
və sosial mediada etik normaların təbliğinə dəstək” adlanan layihə çərçivəsində mətbuatda və sosial
mediada milli-mənəvi dəyərlər və etik normaların təbliğ olunması istiqamətində
müxtəlif video-çarxların hazırlanması və
jurnalistlərin iştirakı ilə təlim sessiyasının keçirilməsi nəzərdə tutulur.
Layihənin
əsas məqsədi multimedia imkanlarından geniş istifadə edərək mətbuatda və sosial
mediada etik normaların təbliğinə dəstək olmaq, eləcə də jurnalistlər üçün
təlim sessiyası təşkil edərək bu mövzuda ictimaiyyət arasında maarifləndirmə
işinin təşkilinə yardımçı olmaqdır. AJŞ-dən
"Kaspi”yə verilən məlumatda bildirilir ki, layihə
çərçivəsində mövzuya aid qısa sosial
video-çarxlar hazırlanacaq və ən çox oxucu kütləsi olan internet medialarında,
eləcə də sosial media kanallarında paylaşılacaqdır. Layihənin mövzusuna aid təşəbbüslərin
dəstəklənməsi üçün jurnalistlərin iştirakı ilə regionlardan birində
təlim sessiyası təşkil olunması da nəzərdə tutulur. Layihə barədə daha ətraflı məlumatı təşkilatın www.ajn.az İnternet ünvanına daxil olaraq əldə etmək mümkündür.
