AZE | RUS | ENG |

“Məsuliyyətli kreditləşdirmə qaydaları”nın məcburi olmaması problem yarada bilər"

“Məsuliyyətli kreditləşdirmə qaydaları”nın məcburi olmaması problem yarada bilər
"Bu gün Azərbaycan banklarında və bank olmayan kredit təşkilatlarında (BOKT) mövcud olan problemli kreditlər, əsasən, manatın 2015-ci ildəki ilk devalvasiyasından əvvəl və sonra götürülmüş kreditlərdir. 2-ci devalvasiyadan sonra verilmiş kreditlərin ödənişi ilə bağlı elə də çox problem yoxdur".
Bunu "Report"a açıqlamasında bank sahəsi üzrə ekspert Əkrəm Həsənovdeyib.
"Bu da onunla bağlıdır ki, Maliyyə Bazarlarına Nəzarət Palatası (MBNP) 2016-cı ilin aprel ayında ilk addım olaraq "Məsuliyyətli kreditləşdirmə qaydaları” qəbul edib. Bununla da, əhaliyə xarici valyutada kreditlərin verilməsi məhdudlaşdırılıb, həmçinin kredit verilərkən vətəndaşların aylıq gəliri, yaşayış minimumu nəzər alınır. Son nəticədə problemli kreditlərin yaranmasının qarşısı alınıb.
Amma həmin qaydalar Palatanın normativ aktı kimi qəbul edilməyib, yəni Ədliyyə Nazirliyində qeydiyyatdan keçməyib, Hüquqi Aktların Dövlət Reyestrinə daxil edilməyib. Buna görə də məcburi qüvvəsi yoxdur, yalnız tövsiyə xarakterlidir. Sabah hansısa bank, yaxud BOKT buna əməl etməsə, onu cəzalandırmaq mümkün olmayacaq. Hətta məndən də banklardakı tanışlar soruşanda deyirəm ki, bu qaydalara əməl etmək məcburi xarakter daşımır və ona əməl etməsəniz, heç kəs sizi cəzalandıra bilməz. Bəlkə də, hansısa banklar bu qaydalara riayət etmirlər və bu da sabah problem yarada bilər”, - deyə o qeyd edib. 

Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
USD 1 1 ABŞ dolları 1.7
EUR 1 1 Avro 1.9126
GEL 1 1 Gürcüstan larisi 0.6299
GBP 1 1 İngiltərə funt sterlinqi 2.2079
IRR 100 100 İran rialı 0.004
SEK 1 1 İsveç kronu 0.1825
CHF 1 1 İsveçrə frankı 1.6731
KWD 1 1 Küveyt dinarı 5.5884
TRY 1 1 Türkiyə lirəsi 0.2916