Messi onu dilə tutur - “Barsa”ya gəlməsi üçün
"Barselona” PSJ-nin futbolçusu Di Mariyaya maraq göstərir.
Kaspi.az xəbər verir ki, o qədər də uğurlu olmayan mövsümdən sonra
rəhbərlik heyəti gücləndirmək niyyətindədi. Rəsmilər "Barsa”nın yeni baş
məşqçisi Ernesto Valverdonun heyəti komplektləşdirməsi üçün bir neçə futbolçu
cəlb etməyi düşünür.
Məlumata görə, Di Mariyaya "Barsa”nın təklifini qəbul etmək üçün
həmyerlisi Lionel Messi də təzyiq edir. O, yığma komandada birgə çıxış etdiyi
Di Mariyanı "Barselona”ya gəlməyə razı salmaq üçün dilə tutur.
Di Mariyanın PSJ ilə qüvvədə olan müqaviləsi 2019-cu ilin yayında
başa çatır.