“Məşqçinin məzarı üstündə rəqs yersizdir”
"Mançester
Yunayted”in sabiq futbolçusu Qari Nevill Pol Poqbanı kəskin tənqid edib.
Kaspi.az xəbər
verir ki, Joze Mourinyo "Mançester Yunayted”dən istefaya göndərildikdən sonra
Pol Poqba "instaqram”da şəklini paylaşaraq, "İmza düşün” yazıb. Bir müddət
sonra Poqba həmin şəkli səhifəsindən silib. Nevill onun bu hərəkətini
yaramazlıq adlandırıb:
"Pol Mourinyo ilə
mübahisə edirdi. Ola bilsin ki, Pol ona inanmırdı, Mourinyo da onu yaxşı
futbolçu hesab etmirdi. Son 6 ayda onların münasibətləri olduqca gərgin olub.
Amma hesab edirəm
ki, yenicə istefaya göndərilmiş baş məşqçinin məzarı üstündə rəqs etmək
yersizdir. Mourinyo işini itirib. Pol və onun adamları isə belə status
paylaşırlar. Bu, yaramazlıqdır.
Reallıq budur
ki, məşqçi həmişə günahkar olur, "günah keçisi” seçilir. Son 6 ildə "Mançester
Yunayted” uğursuzluqlara görə 3 əla mütəxəssisi itirib. Joze harda olubsa,
qalib gəlib. Onun titul qazanmadan gedəcəyini bir an belə olsun düşünməmişdim”.