Məşhur futbolçu peşəkar boksçu olacaq
"Mançester Yunayted”in sabiq futbolçusu Rio Ferdinand idmançı
karyerasını bərpa etmək istəyir.
Kaspi.az xəbər verir ki, Ferdinand futbola qayıtmayacaq. O, peşəkar
boksla məşğul olmaq niyyətindədir. Yaxın zamanlarda onun bu barədə rəsmi
açıqlama verəcəyi gözlənilir.
Ferdinand təxminən bir ildi ki, boksla ciddi məşğul olur. O, rinqdəki
məşqlərini daim sosial şəbəkələrdə yerləşdirir. Yaxınlarının bildirdiyinə görə,
boks Ferdinanda həyat yoldaşının ölümünün vurduğu zərbəni dəf etməyə kömək
edir. Onun həyat yoldaşı 2015-ci ildə dünyasını dəyişib.