• cümə axşamı, 28 mart, 15:44
  • Baku Bakı 16°C

Mərkəz: Devalvasiyadan sonra Gürcüstan və Türkiyəyə axan vəsaitləri geri qaytara bildik

11.10.17 15:10 1673
Mərkəz: Devalvasiyadan sonra Gürcüstan və Türkiyəyə axan vəsaitləri geri qaytara bildik
"Azərbaycan Mərkəzi Bankı (AMB) mütəmadi olaraq bazarda monitorinqlər aparır. Tənzimləyicinin əsas vəzifələrindən biri də inflyasiyanı hədəflənən səviyyədə saxlamaqdır. Bir çoxları deyir ki, Azərbacanda uçot dərəcəsi yüksıkdir. Bu səbəbdən ölkədə kreditlər yüksək faizlərlə verilir. Razıyam. Lakin reallıq nədən ibarətdir? Məsələ burasındadır ki, AMB maliyyə axınını təmin edərsə, inflyasiya sürətlənər, qiymətlər artar".
"APA-Economics" xəbər verir ki, bu barədə İqtisadi İslahatların Təhlili və Kommunikasiya Mərkəzinin eksperti Vüsal Musayev Azərbaycan-Almaniya biznes forumunun iştirakçılarının suallarını cavablandırarkən bildirib.
Onun sözlərinə görə, manatın devalvasiyasından sonra sahibkarlarda inamzıslıq yarandı: "Bunun nəticəsində ölkədən kapital axını baş verdi. Hətta iri sahibkarlar vəsaitlərini ölkədən çıxararaq Gürcüstan və Türkiyəyə yatırım etməyə başladılar. Bundan sonra Azərbaycan hökuməti tənizmləyici üsullara əl atdı. Bu addımlar nəticəsində biz maliyyə axınının qarşısını ala bildik. Üstəlik, ixracı stimullaşdırmağa nail ola bildik. Başqa sözlə, Gürcüstan və Türkiyəyə axan maliyyə vəsaitini geri qatarmağa bacardıq. Düzdür, buna tam nail ola bilmədik. Bununla yanaşı, biz sahibkarları, o cümlədən xarici investorları ölkə iqtisadiyyatına yatırım etməyə inandıra bildik".
V. Musayev vurğulayıb ki, 2018-ci ildə Azərbaycanın dövlət büdcəsinin daxilolmaları 20 mlrd. manat təşkil edəcək. Bununla yanaşı, qurum rəsmisi büdcə xərclərinin həcmini açıqlamayıb.
banner

Oxşar Xəbərlər