Mer onun keçidinin araşdırılmasını tələb edir
Liverpul
şəhərinin meri Co Anderson "Everton”un futbolçusu Ross Barklinin "Çelsi”yə keçidindən
narazı qalıb.
Kaspi.az
xəbər verir ki, meri futbolçuya görə ödənilən məbləğ narazı salıb. O, hesab
edir ki, Rossun London klubuna keçidi zamanı maxinasiya baş verib. Şəhər meri federasiya
rəsmilərinə müraciət edərək, bu keçidin araşdırılmasını tələb edəcəyini bildirib:
"Barklinin
cəmisi 15 milyon funta "Çelsi”yə keçməsi "Everton” fanatlarının üzünə tüpürməkdi.
Yayda ona görə 35 milyon funt ödənilirdi. Ancaq transfer son gündə müəmmalı səbəbdən
pozuldu.
Bundan
sonra futbolçu 4 ay ərzində bir dəfə də meydana çıxmadı və cəmisi 15 milyona "Çelsi”yə
keçdi. O, yeni müqavilə bağlayıb sonra da gedə bilərdi.
Burda nəsə
bir oyun var. Məsələnin araşdırılması üçün İngiltərə Futbol Assosiasiyasına
müraciət edəcəm. Agent 35 milyonluq transferi son gündə pozur. Futbolçu bu
mövsüm bir oyunda da meydana çıxımır və 15 milyona transfer edilir”.