Bakı 16°C
“Məqsədimiz odur ki, dünya bu tarixləri unutmasın”
Xəbər verdiyimiz kimi, Azərbaycan Respublikası Prezidenti Administrasiyası İctimai-siyasi məsələlər şöbəsinin müdiri Əli Həsənov “31 mart Azərbaycanlıların soyqırımı günü” ilə bağlı tədbirlərdə iştirak etmək üçün Türkiyəyə səfərə gedib.
AzNews.az-ın məlumatına görə, Əli Həsənov Türkiyədə səfəri çərçivəsində TRT Avaz-a açıqlama verib. O bildirib ki, hər il martın 31-i ermənilərin son 200 il ərzində türklərə və əsasən də Azərbaycan türklərinə qarşı həyata keçirdikləri soyqırımının simvolik günü olaraq qeyd olunur: “Çünki 31 mart 1918-ci il ermənilərin ən çox qətliam həyata keçirdikləri tarixdir. Onlar həmin günlərdə Bakıda və Azərbaycanın ayrı-ayrı bölgələrində insanları sadəcə olaraq türk və müsəlman olduqlarına görə qətlə yetiriblər. Martın 31-də isə həmin hadisələrin ən qanlı və dəhşətlisi olub. Həmin hadisələr zamanı minlərlə insan qətlə yetirilib, Bakının ən gözəl, tarixi əhəmiyyət kəsb edən tikililəri yandırılıb”.
Ə.Həsənov deyib ki, həmin vaxt türk ordusu azərbaycanlı soydaşlarının yardımına gəlib və qanlı döyüşlərdən sonra Bakı azad edilib: “Ulu öndər Heydər Əliyev isə bununla bağlı xüsusi fərman imzalayıb. Bu fərman əsasında da hər il martın 31-i dünyada Azərbaycan türklərinə qarşı ermənilərin soyqırımının ümumiləşdirilmiş tarixi kimi qeyd olunmağa başlayıb. Bu tarixdə Azərbaycana bağlı insanlar səfərbər edilərək, dünyanın hər yerində tədbirlər keçirir, təbliğat işləri aparırlar. Artıq müəyyən nəticələr də mövcuddur. Dünyanın 4 ölkəsi Xocalı qətliamını soyqırım kimi tanıyıb”.
O qeyd edib ki, 1918-ci ilin martın 31-də ermənilər tərəfindən törədilən bu qətliam, azərbaycanlılara qarşı edilən 6 ən dəhşətli soyqırım aktlarından biridir: “Biz bu hadisələri yad etməklə ermənilərdən qisas almaq haqda düşünmürük. Məqsədimiz odur ki, dünya bu tarixləri unutmasın, bunu törədənləri tanısın və öz münasibətini bildirsin. Həmçinin, erməni xalqı onun üzərindən insanlığa qarşı belə cinayətlərin törədilməsinə imkan verməsin”.
Ə.Həsənov səfəri zamanı TRT-nin baş direktoru İbrahim Şahinlə də görüşüb.
AzNews.az-ın məlumatına görə, Əli Həsənov Türkiyədə səfəri çərçivəsində TRT Avaz-a açıqlama verib. O bildirib ki, hər il martın 31-i ermənilərin son 200 il ərzində türklərə və əsasən də Azərbaycan türklərinə qarşı həyata keçirdikləri soyqırımının simvolik günü olaraq qeyd olunur: “Çünki 31 mart 1918-ci il ermənilərin ən çox qətliam həyata keçirdikləri tarixdir. Onlar həmin günlərdə Bakıda və Azərbaycanın ayrı-ayrı bölgələrində insanları sadəcə olaraq türk və müsəlman olduqlarına görə qətlə yetiriblər. Martın 31-də isə həmin hadisələrin ən qanlı və dəhşətlisi olub. Həmin hadisələr zamanı minlərlə insan qətlə yetirilib, Bakının ən gözəl, tarixi əhəmiyyət kəsb edən tikililəri yandırılıb”.
Ə.Həsənov deyib ki, həmin vaxt türk ordusu azərbaycanlı soydaşlarının yardımına gəlib və qanlı döyüşlərdən sonra Bakı azad edilib: “Ulu öndər Heydər Əliyev isə bununla bağlı xüsusi fərman imzalayıb. Bu fərman əsasında da hər il martın 31-i dünyada Azərbaycan türklərinə qarşı ermənilərin soyqırımının ümumiləşdirilmiş tarixi kimi qeyd olunmağa başlayıb. Bu tarixdə Azərbaycana bağlı insanlar səfərbər edilərək, dünyanın hər yerində tədbirlər keçirir, təbliğat işləri aparırlar. Artıq müəyyən nəticələr də mövcuddur. Dünyanın 4 ölkəsi Xocalı qətliamını soyqırım kimi tanıyıb”.
O qeyd edib ki, 1918-ci ilin martın 31-də ermənilər tərəfindən törədilən bu qətliam, azərbaycanlılara qarşı edilən 6 ən dəhşətli soyqırım aktlarından biridir: “Biz bu hadisələri yad etməklə ermənilərdən qisas almaq haqda düşünmürük. Məqsədimiz odur ki, dünya bu tarixləri unutmasın, bunu törədənləri tanısın və öz münasibətini bildirsin. Həmçinin, erməni xalqı onun üzərindən insanlığa qarşı belə cinayətlərin törədilməsinə imkan verməsin”.
Ə.Həsənov səfəri zamanı TRT-nin baş direktoru İbrahim Şahinlə də görüşüb.
