“Məni bıçaqla doğrasaydılar, belə ağrıtmazdı”
Cennaro Qattuzon un "Milan”ın baş məşqçi postunda debütü uğurlu
olmadı.
Kaspi.az xəbər verir ki, "Milan” A seriyasının aşkar autsayderi
"Benevento” ilə bərabərə qaldı – 2:2. Bu, "Benevento”nun A seriyasında
qazandığı ilk xal oldu. Qarşılaşmadan sonra Qattuzo fikirlərini bildirib:
"Sözsüz, bu nəticə adamı yandırır, ağırıdır. Məni bıçaqla
doğrasaydılar, belə ağrıtmazdı. Son 15 dəqiqə çox ağır oldu. Biz olduqca vəhşi
bir qol buraxdıq.
Heç gözləməzdim ki, son saniyələrdə rəqibin qapıçısı qapımıza qol
vuracaq. Paltardəyişmə otağında futbolçularımın pis durumda olduğunu gördüm.
Bu, çox ağırdır. Ancaq yaranı sağaltmaq lazımdı”.