AZƏRBAYCANDA KORONAVIRUSLA BAĞLI XƏBƏRLƏR

Məktəb psixoloqu övladlararası münasibətlər mövzusunda tövsiyələrini təqdim edib

Məktəb psixoloqu övladlararası münasibətlər mövzusunda tövsiyələrini təqdim edib

Cəmiyyət
04 İyun 2020, 12:00 173
Bakı Şəhəri üzrə Təhsil İdarəsi (BŞTİ) tərəfindən həyata keçirilən "Məktəb psixoloqundan tövsiyələr” sosial-maarifləndirmə layihəsi davam edir.
BŞTİ-dən AZƏRTAC-a bildirilib ki, layihə çərçivəsində hazırlanan 27-ci videoçarxda 91 nömrəli tam orta məktəbin psixoloqu Rəciyə Xudayarova ailədə övladlararası münasibətlər mövzusunda tövsiyələrini təqdim edib.
Layihənin əsas məqsədi valideyn və şagirdlərə sosial təcrid günlərində onlayn psixoloji dəstək göstərmək, uşaqlarla davranış baxımından valideynlərə düzgün istiqamət vermək, qarşılıqlı münasibətlərdə psixoloji dayanıqlılığı artırmaq və sosial yardımlaşma imkanlarını genişləndirməkdən ibarətdir.
Xatırladaq ki, Təhsil Nazirliyi tərəfindən şagirdlərə, valideynlərə və ümumilikdə bütün vətəndaşlara psixoloji xidmət üçün yaradılmış 146-3 "Qaynar xətt” xidməti də fəaliyyət göstərir. Ölkəmizdə koronavirus (COVID-19) infeksiyası ilə əlaqədar karantin rejimi elan olunduğundan evdə qalan şagirdlər, eləcə də bütün vətəndaşlar mənəvi-psixoloji dəstəyə zərurət duyduğu hallarda sözügedən "Qaynar xətt” xidməti ilə əlaqə yarada bilərlər.