Bakı 22°C
Meksika-Azərbaycan parlamentlərarası əməkdaşlıq
Parlamentlərarası əlaqələrə təkan vermək məqsədilə
Meksikanın Azərbaycandakı səfiri Rodriqo Labardini Milli Məclisə gəldi və Beynəlxalq
Münasibətlər və Parlamentlərarası Əlaqələr Komitəsinin sədri Səməd Seyidov,
habelə Hüquq Siyasəti və Dövlət Quruculuğu Komitəsinin sədri Əli Hüseynli ilə
görüşdü. Səfirlikdən "Kaspi”yə verilən məlumata görə, ikitərəfli münasibətlərdən
danışarkən əməkdaşlığın müxtəlif sektorları üzrə əlaqələrin intensivləşdirilməsi
qeyd olundu. Meksika ilə Azərbaycan arasında ikitərəfli münasibətlərin inkişafı
üçün təməl hesab olunan hüquqi bazanın möhkəmlənməsi vurğulandı. Tərəflər hər
iki ölkənin parlamentləri arasında qarşılıqlı səfərlərin stimullaşdırması zəruriliyini
qeyd etdilər. Bundan əlavə, beynəlxalq təşkilatlar çərçivəsində əməkdaşlıqdan
söz açıldı. Məsələ ilə əlaqədar, səfir Labardini miqrasiya, ətraf mühit və s.
mövzular üzrə beynəlxalq hüquqi bazanın yaradılmasına dair Meksikanın bir sıra
təkliflərindən məlumat verdi.
