Məhkumlar DÇ-yə görə aclıq aksiyası keçirirlər

Argentinada məhkumlar DÇ-yə görə aclıq aksiyası keçirirlər.

Kaspi.az xəbər verir ki, aksiya Puerto-Madrin şəhərindəki həbsxanalardan birində keçirilir. Məhkumlar DÇ-nin oyunlarına baxa bilmələri üçün şərait yaradılmasını tələb edirlər. Onların yaydıqları bəyanatda deyilir:

"Biz aclıq aksiyasına başlamağa qərar verdik. İstəyirik ki, televiziya kabeli qoşulsun və mundialın oyunlarına baxa bilək. Tələbimiz yerinə yetirilməyənə qədər aksiyanı davam etdirəcəyik. Aksiyaya başlamağımızdan 3 gün keçməsinə baxmayaraq, problemimiz hələ də həll olunmayıb”.

Argentina mətbuatının məlumatına görə, şəhər məhkəməsi məhkumların tələbinə baxmaqdan imtina edib.