Məhəmmədlə Turalın qrant davası
Müxtəlif bəhanələrlə
Azərbaycanı tərk edib xaricə sığınan, oradan ölkəmizə qarşı "qara piar” aparan
qaraguruh dəstənin, "iaşə müxalifəti”, "söyüş çetesi” kimi ad çıxaranların
siyasi sifariş yerinə yetirdiklərini dəfələrlə öz yazılarımızda qeyd etmişik.
Hər zaman vurğulamışıq ki, pul müqabilində Vətəninə, xalqına, dövlətinə,
millətinə qarşı çıxan bu dəstə üzvləri özbaşına hərəkət etmirlər. Onlar
Azərbaycanın uğurlarını həzm edə bilməyən qüvvələrin, xüsusən də erməni diaspor
təşkilatlarının, həmçinin ölkəmizə siyasi təzyiq göstərmək istəyən dövlətlərin
əlində maşa rolunu oynayırlar.
Küçə səviyyəsində, təhqirlərlə dolu statuslar
yazmaqla, sosial şəbəkədə özlərini "mübariz” hesab edənlərin, cəmiyyətimizə
"qəhrəman”, "müxalifətçi” kimi sırınmaq istəyənlərin əqidəsinin, prinsipinin,
marağının yalnız pul olduğu artıq heç kimə sirr deyil. Zaman keçdikcə
belələrinin əsl mahiyyəti tam çılpaqlığı ilə üzə çıxır. Necə ki, "iaşə
müxalifəti”nin mərkəzində yer alan iki mühacir gənc bu günlərdə bir-birinin
ünvanına qarşılıqlı ittihamlar səsləndirməklə özlərini ifşa etdilər.
Xatırlayırsınızsa, Azərbaycanda keçirilən mühüm beynəlxalq tədbirlər və
seçkilər ərəfəsində Tural Sadıqlı və Məhəmməd Mirzəli ad-soyadlı iki nəfər
dil-boğaza qoymadan sosial şəbəkə üzərindən canlı yayımlar edir, "müxalif”
fikirlər bildirir, dövlət rəsmilərini hədəfə alaraq daha çox təhqirlərlə
müşayiət olunan statuslar yazırdılar. İndi hər iki gənc belə statusları
bir-birlərinə qarşı yönəldiblər.
Misal üçün, Məhəmməd
Mirzəli əqidədaşı Tural Sadıqlı haqda sosial şəbəkədə belə bir status
yazıb:"Mən heç zaman bunu yazmazdım, özün məcbur etdin. Sən özünü ifşa
etmək qərarına gəldin, davam elə. Mənim də deyəcəyim şeylər olacaq. Qrantı
aldın nə qrant verən təşkilatın adını açıqladın, nə aldığın qrantın məbləğini
dedin, məni efirə çıxarıb məndən pul qazandın. Mən də sənin bu əməlinə qarşılıq
olaraq öz videolarımı "youtube”dən sildirdim. Mən bu işləri pulsuz görən adamam,
biz qrant gəlməsə belə, birgə nəyəsə razılaşsaydıq, təbii ki, işlər
görüləcəkdi. Amma məsələnin mahiyyəti budur ki, sən məndən istifadə etdin,
"xalqın layihəsini də qrant” üçün etdin. Mən bu dəqiqənin özümdə belə xalqın
layihəsini etməyə hazıram. Pulsuz parasız gəl edək, digər səhifələri də
çağıraq. Bir də ki, elə yazmısan ki, yanımıza çəkdik, filan etdik. Mən öz işimi
özüm həyata keçirmişəm”.
"Made in Azerbaijan”
səhifəsinin admini olan Məhəmməd daha sonra Turalı satqınlıqda ittiham
edib:"Sənin qardaşın iki kilo heroinlə şərlənir azadlığa buraxılır və
sonra da gəlir Almaniyaya. Sənin Bakıdakı fəaliyyətin barədə danışmağa
başlasam, təmiz batarsan. Almaniyada etdiklərini isə saxlayıram ikinci yazıya”.
Buna cavab olaraq Tural
Sadıqlı da status yazıb Məhəmməd Mirzəlini nankorluqda ittiham edib və ona
təzyiq olan zaman dəstək olduğunu deyib. Bununla yanaşı, Turalın atası Əlövsət
Sadıqlı öz oğluna qahmar çıxaraq, Məhəmmədin ünvanına sərt fikirlər
səsləndirib. Lakin müəyyən vaxt keçəndən sonra o, bu statusunu silib.
Bu yazışmaların ardınca Məhəmməd
Mirzəlinin şikayəti əsasında "youtube”də "Azad söz” səhifəsindən şikayət edilib
və səhifə bağlanıb.
Sosial şəbəkənin aktiv
istifadəçiləri hər iki gəncin statuslarının altına rəy yazmaqla həm öz
mövqelərini bildiriblər, həm də bu statusları skrenşot edib paylaşmaqla "siyasi
mühacirlər”in əsl kimliyini nümayiş etdiriblər.
"Facebook”dakı "5-ci kolon”
səhifəsi hər iki gəncin statuslarını paylaşıb, "mühacirlərin” bir-birini ifşa
etdiyini qeyd edib. Həmin paylaşımın rəy bölməsinə öz fikrini yazan Azəri
Azərin adlı şəxs fitnə ilə yaranan birliyinin fitnə ilə də dağılmasını təbii
sayıb.
Vüqar Mirzəyev adlı istifadəçi
də Tural ilə Məhəmmədin davasının pul üstündə baş verdiyinə əminliyini ifadə
edib. Vurğulayıb ki, Tural Sadıqlı aldığı qrantları Məhəmmədlə bölmədiyindən
sonuncu keçmiş dostunu ifşa edib, hətta hikkəsindən kanalını da bağlatdırıb:
"Yəqin ki, bu pul məsələsinin içində Orduxan da var. Növbə ona da çatacaq
yəqin. Bir şey bəlli oldu ki, ilin əvvəlində Avropada söyüş kampaniyasına start
verənlər bunu Vətəni sevdiklərinə görə yox, ağalarından aldıqları qrantlara
görə edirmişlər. Bu da "demokraiya” carçıları”.
Şahin Camalov isə Turalla
Məhəmmədin Avropada şou göstərməyə başladığını ironiya ilə qeyd edib.
Ələsgər Vəliyev adlı
istifadəçi Məhəmmədi müdafiə etmək məqsədilə maskaların yavaş-yavaş cırıldığını
yazıb: "Atalarımızdan qalma bir misal var, fahişəliklə oğurluq 40 gün çəkər. Bu
misalı boş yerə çəkmədim, baş vermiş hadisələri diqqətlə analiz etmənizi
istədim! İnsanın üzünə, üz cizgilərinə diqqət yetirməklə insanları müəyyən
mənada tanıya bilərsiniz. Şəxsən mən Məhəmməd Mirzəli ilə tanış deyiləm, həyatda
da rastlaşmamışıq, amma onu 100 faiz əminliklə deyə bilərəm ki, Turalla
Məhəmməd müqayisə edilməz insanlardır”.
Cabir Məmmədov adlı sosial
şəbəkə istifadəçisi yazıb ki, Avropadakı gədələr ancaq pul üçün ölkəni və
hakimiyyəti söyürlər: "Biz bu həqiqətləri dilə gətirəndə bəziləri az qala basıb
gözümüzü çıxarırdı ki, yox, onlar qəhrəmandırlar, xalq üçün çalışırlar, sözün
düzünü deyirlər, siz isə yaltaqsınız. Buyurun, kimin kim olduğu bu dəfə də üzə
çıxdı, hələ dəfələrlə də çıxacaq. Özləri etiraf etdilər ki, qranta işləyirlər
və qrantı bölə bilməyəndə düşmən kəsilir, hətta bir-birlərinin "youtube”
kanallarını da bağlayırlar. Bəs hanı dünənə qədər aparılan "mübarizə”, ay nə
bilim "diktaturaya” qarşı savaş?! Bura qədər imiş? Bir görün, siz kimləri
"qəhrəman" sayırsınız”.
Gün ərzində sosial şəbəkədə
bu kimi çoxsaylı rəylər, statuslar yazılıb. Bütün bu baş verənlər isə
həqiqətləri gün işığına çıxarıb. Hələ xeyli müddət bundan əvvəl dəfələrlə
yazılarımızda qeyd etdiyimiz gerçəklikləri Məhəmməd Mirzəli və Tural Sadıqlı öz
statuslarında bir-birlərini ifşa etməklə təsdiqləyiblər. Bununla da adıçəkilən
gənclərin əsl mahiyyəti, seçki öncəsi yaratdıqları "birliyin” səbəbi bir daha məlum
olub. Artıq heç kimdə şübhə yeri qalmır ki, hər iki gənci birləşdirən "dəyər” xaricdən
alınan qrantlar olub. Bu qrantlar müqabilində isə onların qarşısına Azərbaycan
dövləti əleyhinə kampaniya aparmaq məqsədi qoyulub. Pula satılan "iaşə
müxalifəti” də bu məqsədlə ən müxtəlif vasitələrə əl atıb.
Rufik
İSMAYILOV