Məhəmməd Mirzəli Tural Sadıqlının “nöqtəsini qoydu"
Müxtəlif bəhanələrlə
ölkəmizi tərk edib Avropaya sığınan, oradan özlərini Azərbaycan cəmiyyətinə
"müxalifətçi”, "siyasi mühacir” kimi sırımaq istəyən Tural Sadıqlı ilə Məhəmməd
Mirzəli arasında bir neçə gündür davam edən pul davası daha da böyüyüb.
Qarşılıqlı ittihamlarla müşayiət olunan bu qalmaqalda hər iki tərəf özünü sudan
quru çıxarmağa çalışır. Sosial şəbəkədə bu məqsədlə paylaşılan son videoda
T.Sadıqlı yenidən M.Mirzəlini naxələf, satqın, dönük və arxadan bıçaq vuran
kimi qələmə verib. Əqidədaşının iç üzünü açacağını vəd edən T.Sadıqlı
M.Mirzəlinin onun barəsində iftiralar, böhtanlar səsləndirdiyini dilə gətirib.
O, vaxtilə M.Mirzəlinin heç kim tərəfindən tanınmadığını xatırladıb. Deyib ki,
illərdir video blogerliklə məşğul olan birisi kimi M.Mirzəlinin çıxışlarında
cəsarət görüb və onu öz yanına çəkib, dəstək olub, çıxışlarını ictimailəşdirib,
gənc bloger kimi populyarlaşmasına çalışıb. Turalın sözlərinə görə, o, bu
dəstəyi edərkən, yaxın ətrafındakı insanlar onu qınayıblar ki, M.Mirəzlinin
savadı, bir qəpiklik dəyəri yoxdur, ağzının danışığını bilmir, söyüş söyür və
sair.
Bütün bunlara əhəmiyyət
verməyərək M.Mirəzliyə dəstək verdiyini, ondakı "cəsarəti” dəyərləndirdiyini
vurğulayan Tural bildirib ki, "dostu” bunun müqabilində ona naxələflik edib,
yalan danışaraq guya pul-qrant yediyini dilə gətirib. İndiyə qədər heç kimdən
pul almadığını iddia edən T.Sadıqlı öz "Facebook” səhifəsində paylaşdığı bu
video müraciət vasitəsilə kimin kim olduğunu üzə
çıxarmağa cəhd etdiyini diqqətə çatdırıb. Qeyd edib ki, M.Mirzəli nələrinsə
müqabilində fəaliyyət göstərir, bir balaca büdrəyən kimi də nələrinsə qarşılığında
aciz qalır, sınır və sifarişlə "Azad Söz”ün
"Youtube” kanalını şikayət edib bağlatdırır. Onun sözlərinə görə, bununla da
kifayətlənməyən M.Mirzəli hətta böhtanlara əl atır, "mübarizə”yə "pul
söhbətləri” əlavə etməklə ümumi işə ləkə yaxır: "Mən təhqir etmədim,
bundan sonra da etməyəcəm. Bu, bizim vəzifəmiz deyil. Baxmayaraq ki, son
danışığında təhqirdən başqa heç nə etmədi. Və bir də bütün suları duruldan bu
sözləri məsələyə əsl nöqtəni qoydu. Allah heç kimin başına onun kimi çıxılmaz
vəziyyətdə qalıb, sonra da sınmaq, hələ üstəgəl də başqalarına şər atmaq,
mübarizəyə xələl gətirən pul söhbətləri edib televiziyalara bəzək olmağı
gətirməsin! Məncə, bundan sonra heç bir çıxış etmə! Çünki hər dəfə danışdıqca,
özünü daha da ifşa edirsən!”
T.Sadıqlı canlı
yayımda M.Mirzəlinin videogörüntüsünü də göstərib və deyib ki, həyat yoldaşı da
ona şərəfsiz deyir: "Mən sadəcə olaraq sizə bir videonu göstərəcəyəm və özünüz
hər şeyi başa düşəcəksiniz. Məhəmməd canlı yayımda deyir: şərəfsiz sözü söyüş
deyil, evdə həyat yoldaşım da mənə şərəfsiz deyir”.
Söz
altında qalmayan M.Mirzəli də qarşılıqlı olaraq "Facebook” səhifəsində, "Youtube"də video
müraciətlə çıxış edib, T.Sadıqlının ünvanına ittihamlar səsləndirib. Öncə o,
əqidədaşının ünvanına söylədiyi fikirlərin absurd olduğunu vurğulayıb. Təxminən
yarım saatlıq videomüraciətdə səsləndirilən həmin fikirləri ixtisarla təqdim
edirik: ""Azad söz”də birgə iş müqabilində əldə
edilən gəlirlər Tural tərəfindən mənimsənilib. Nəyə görə Məhəmməd Mirzəlinin
adı beynəlxalq təşkilatlarda qrant yeyən, yalan danışan, insanları aldadan adam
kimi keçməlidir? Əlövsətin oğlu Tural! Mənə çatacaq pulu özümə ver. Vaxtilə Tural
demişdi ki, gördüyümüz işlərdən 10-20 min avro arası mənə pul çatacaq. Ancaq o
pulu vermədi. İndi də həmin pulu mənim bank hesabıma göndərmir. Turalın atası Əlövsət
Azərbaycanda qrant alan, qrant yeyən QHT-şnik kimi tanınır. Aldığı pullar
hesabına da Turalı böyüdüb. Amma mənim atam qaynaqçıdır və alnının təri ilə, zəhmətlə
qazandığı pullar hesabına məni böyüdüb”.
M.Mirzəli
bildirib ki, T.Sadıqlı mühacirət etmək istəyən azərbaycanlıları aldadır,
onların pulunu mənimsəyir və başlarına oyun açır: "Mühacirət edən
azərbaycanlılara saxta arayışlar düzəldib satan da, mənim adıma göndərilən
pulları mənimsəyən də Tural Sadıqlıdır. Azərbaycanda korrupsiya var deyən
Əlövsətin oğlu Turalın özü və atası ən böyük korrupsionerlərdir. Fatimə
Mövlanlı adlı jurnalistin pulunu yeyib onu şantaj edən də Tural Sadıqlıdır.
Bununla bağlı söz-söhbət yaranandan sonra Turalın atası Əlövsət aparıb Fatiməyə
pul verib ki, söhbət daha da böyüməsin. Vaxtilə Siracla Fərəc qardaşlarından
polisə şikayət edən, çıxdığı yola, dostlarına, əqidədaşlarına xəyanət edən
kəsdir Tural Sadıqlı. Mənim üzərimdən pullar qazanıb, reytinq əldə edib Tural.
Haqqımı halal etmirəm, haramı olsun! Saxta sənəd satan, qaçaqmalçılıq edən, insanları
aldadan Avropanın, o cümlədən Almaniyanın küçələrinə tökən yenə də Əlövsətin
oğlu Turaldır. Ailəsini dağıdan, qadınına sahib olmayan, onu qapıdan qovan
birisidir Tural. Bu video ilə Turalın nöqtəsini qoyuram, onu ifşa edirəm mən. Almaniyada
təşkilat yaradan və guya ətrafına 200-300 nəfər toplayan Turalın indi yanında
bir nəfər də yoxdur. Maraqlıdır niyə? Çünki, Tural çamurun içində olduğu üçün ətrafındakı
təmiz insanların paxıllığını çəkir, onlara çamur atır, ləkələyir. Belə
xarakterə sahibdir. Təsəvvür edin, Tural mənim barəmdə yazı yazır, onun dədəsi
Əlövsət də girib həmin yazının altında söyüş söyür. Ağsaqqal kişidir, utanmır. Tural
Sadıqlı əgər qrant almırsa Berlindəki ofisi hansı pulla saxlayır? Yardım kimi
ayda ona verilən 450 avro ilə ofis saxlamaq olar? Son olaraq demək istəyirəm
ki, tüpürüm sənin vicdanına”.
Beləcə
hər iki tərəf öz səviyyəsinə uyğun şəkildə bir-birini ittiham edib, sandığı
açıb bütün gizlinləri gün işığına çıxarıblar. Bu statuslar, videogörüntülər
altında şərh yazan sosial media istifadəçiləri isə "iaşə müxalifətinin” son
hərəkətləri ilə öz mahiyyətlərini ortaya qoyduqlarını qeyd ediblər.
Alpər TURAN