AZE | RUS | ENG |

"Məhəmməd: Allahın elçisi” filmi Bakıda təqdim olunacaq

Dünya şöhrətli İran rejissoru Məcid Məcidinin "Məhəmməd: Allahın elçisi” filmi iyunun 28-də Bakıda təqdim olunacaq.
 
APA-nın məlumatına görə, film Azərbaycanda İran Mədəniyyəti Günləri çərçivəsində Nizami Kino Mərkəzində nümayiş olunacaq.

Mədəniyyət Nazirliyindən APA-ya bildirilib ki, təqdimat mərasimində rejissor özü də iştirak edəcək, daha sonra azərbaycanlı kino xadimləri ilə görüş keçirəcək.
 
2015-ci ildə istehsal olunmuş ekran əsəri  VII əsrdə Məkkədə Məhəmməd peyğəmbərin uşaqlıq və ilk gənclik dövrü ilə bağlı hadisələri əhatə edir. "Məhəmməd: Allahın elçisi” İran kino tarixində ən yüksək büdcəli filmdir.
 
Qeyd edək ki, İran Mədəniyyəti Günləri  27 iyun - 1 iyul tarixləri əhatə edəcək.
Azərbaycan Mədəniyyət Nazirliyinin ev sahibliyi ilə Bakı və Gəncə şəhərlərində mədəni toplantı və mərasimlərin keçirilməsi nəzərdə tutulub. İran incəsənət ustalarının iştirakı ilə konsertlərin, sərgilərin keçirilməsi, film və teatr tamaşalarının nümayişi də planlaşdırılır. İran milli orkestri də ilk dəfə olaraq Bakıda çıxış edəcək.
 
Mədəniyyət Günləri məqsədlə İranın mədəniyyət və islami irşad naziri, doktor Seyid Abbas Salehinin başçılığı altında İranın tanınmış mədəniyyət və incəsənət xadimlərindən ibarət geniş tərkibli nümayəndə heyəti Azərbaycana gələcək. 




Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
USD 1 1 ABŞ dolları 1.7
EUR 1 1 Avro 1.927
GEL 1 1 Gürcüstan larisi 0.6404
GBP 1 1 İngiltərə funt sterlinqi 2.2148
IRR 100 100 İran rialı 0.004
SEK 1 1 İsveç kronu 0.1815
CHF 1 1 İsveçrə frankı 1.6979
KWD 1 1 Küveyt dinarı 5.6001
TRY 1 1 Türkiyə lirəsi 0.3195