AZE | RUS | ENG |

Mədəniyyətdə könüllülük hərəkatı...

Mədəniyyətdə könüllülük hərəkatı...
Ölkə rəhbərliyinin təşəbbüsü və xüsusi diqqəti sayəsində respublikamızda son illərdə könüllülük fəaliyyəti sürətli inkişaf mərhələsini yaşamaqdadır. Vətəndaş cəmiyyətinin əsas göstəricilərindən biri olan könüllülük fəaliyyəti dövlət idarəçilik sisteminin bütün istiqamətlərini əhatə etməklə istedadlı gənclərin inkişafı üçün əlavə imkanlar yaradır. Yaradıcılıq, tükənməz enerji və vətən sevgisi kimi keyfiyyətləri özündə ehtiva edən könüllülük fəaliyyətinin mədəniyyət sahəsində geniş vüsət tapması, mədəniyyət siyasətinin qarşısında duran strateji vəzifələrin daha rasional və effektiv reallaşmasına səbəb olmaqla yanaşı, gənclərin dövlət idarəetmə sistemində fəal mövqe tutmalarına əlavə zəmin yaradır.
Belə ki, mədəniyyət sahəsi üzrə könüllülük fəaliyyətinin sistemli şəkildə təşkili məqsədilə Mədəniyyət Nazirliyi tərəfindən ardıcıl məqsədyönlü tədbirlərin görülməsi nəzərdə tutulur.
Nazirlikdən AZƏRTAC-a bildirilib ki, sözügedən istiqamətdə nazirliyin sistemində fəaliyyət göstərən müvafiq qurumların potensialından istifadə edərək respublikamızda keçirilən yüzlərlə mədəni tədbirlərin təşkili məsələlərində sahəyə maraq göstərən gənclərin yaxından cəlb olunması planlaşdırılır. "ASAN Könüllülər”lə sıx əməkdaşlıq əlaqələri şəraitində təşkil olunacaq fəaliyyət çərçivəsində ilk növbədə ölkəmizin müvafiq ali və orta ixtisas müəssisələrində təhsil alan şagird və tələbələrin sözügedən hərəkata cəlb olunması planlaşdırılır.
Birinci mərhələdə Mədəniyyət və İncəsənət Universiteti və Azərbaycan Dövlət Pedaqoji Universitetinin tələbələri sözügedən imkanlardan faydalanma hüquqlarını əldə edəcəklər.
Nazirliyin sistemi üzrə könüllülük fəaliyyətinin inkişafı ilə əlaqədar görüləcək işlərin koordinatoru Nazirliyin Mədəniyyət üzrə Elmi-Metodiki və İxtisasartırma Mərkəzinin direktoru Asif Usubəliyev və "ASAN Xidmət”in könüllülərlə iş üzrə bölmənin rəhbərliyi ilə təşkil olunmuş görüş zamanı qurumlar arasında mövcud istiqamət üzrə fəaliyyətin əlaqələndirilməsi mexanizmləri ətrafında geniş fikir mübadiləsi aparılıb.
Nazirlik tərəfindən mədəniyyət sahəsi üzrə könüllülük fəaliyyətinin inkişafı məqsədilə müvafiq stimullaşdırıcı sistemin hazırlanması da nəzərdə tutulur.

Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
USD 1 1 ABŞ dolları 1.7
EUR 1 1 Avro 1.8962
GEL 1 1 Gürcüstan larisi 0.6199
GBP 1 1 İngiltərə funt sterlinqi 2.1648
IRR 100 100 İran rialı 0.004
SEK 1 1 İsveç kronu 0.1763
CHF 1 1 İsveçrə frankı 1.6798
KWD 1 1 Küveyt dinarı 5.5875
TRY 1 1 Türkiyə lirəsi 0.2805