• cümə, 29 Mart, 15:05
  • Baku Bakı 14°C

Martda Azərbaycan və İran müştərək avtomobil zavodunun açılışı olacaq

13.02.18 15:40 1001
Martda Azərbaycan və İran müştərək avtomobil zavodunun açılışı olacaq
Azərbaycan və İran müştərək avtomobil istehsalı zavodunun rəsmi açılışı bu ilin mart ayında baş tutacaq.

Bunu APA-nın Tehran bürosuna açıqlamasında "İran Xodro” şirkətin baş direktoru Haşim Yekke Zare deyib.

O deyib ki, bu müştərək şirkət Azərbaycanla birgə yaradılıb. Qeyd edək ki, avtomobil zavodu Neftçala sənaye məhəlləsində fəaliyyət göstərəcək.

"Şirkətdə İran tərəfi 25%, Azərbaycan tərəfi isə 75% paya malikdir. Şirkət Rana və Dena tipli avtomobillər istehsal edəcək", - deyə baş direktor vurğulayıb.

Haşim Yekke Zare qeyd edib ki, zavod fəaliyyətə başladıqdan sonra Azərbaycan tərəfi investisiya yatırarsa, bu ölkədə avtomobil hissələri də istehsal ediləcək.
banner

Oxşar Xəbərlər