AZE | RUS | ENG |

Mark Eliyahunun konserti musiqinin sehrli dünyasına daxil olmaq imkanı verəcək

Mark Eliyahunun konserti musiqinin sehrli dünyasına daxil olmaq imkanı verəcək
25 may 2019-cu il tarixində, Heydər Əliyev Sarayında ölkəmiz və mədəniyyətimiz üçün ilin ən vacib mədəni tədbiri – ilk dəfə Bakıda dünyaca məşhur musiqiçi Mark Eliyahunun konserti keçiriləcək. Mark Eliyahu bizə Azərbaycan və ümumilikdə Yaxın Şərq musiqisinin sehrli dünyasına daxil olmağa imkan verən inanılmaz bir kəşfdir. Onun qədim alət olan kamançanı müasir ritmlərlə birləşdirmə sənəti inanılmaz kontrastlara səbəb olur.
Mark Eliyahu musiqisi poetikliyi və zərifliyinə görə insanı dərhal valeh edir, bu musiqi insanları qorxutmadan özünü bütün orijinallığı ilə göstərir. Bu melodiyalar şübhəsiz ki, Şərq melodiyalarıdır, lakin Qərbə də qapısını bağlamır, əvəzində gizli xəzinələrə yeni bir baxış açır. Eliyahu melodiyaları dərviş rəqsləri kimi insanı valeh edərək təəccübləndirir və dinləyicini əvvəllər heç eşitmədiyi müxtəlif kainatlara apara bilir. M.Eliyahu 20 il öncə Habil Əliyevin kamança ilə ifasına qulaq asır. Bundan təsirlənən Mark Bakıya köçür və Ədalət Vəzirovun rəhbərliyi altında kamança dərsləri almağa başlayır. Markın ifa etdiyi kamança birbaşa olaraq Habil Əliyev tərəfindən ona hədiyyədir. Bu günə qədər o, Habil Əliyevin ona hədiyyə etdiyi kamançada ifa edir. Bundan əlavə, məhz bu il Mark Eliyahunun xalqımızın dahi şairi Məhəmmədhüseyn Şəhriyarın "Ulduz sayaraq” şerinə bəstələdiyi və muğamların mahir ifaçısı, Azərbaycan Dövlət Televiziyasının solisti, Azərbaycanın əməkdar artisti Bəyimxanım Vəliyevanın ifa etdiyi möhtəşəm "Do you remember (yadındamı)” mahnısı işıq üzü görüb.
Yuxarıda qeyd olunanları nəzərə alaraq sözügedən tədbirin ölkəmiz üçün mədəni və tarixi dəyərlərini nəzərə alaraq Azərbaycanda həm Bakı, həm də regionlarda yaşayan əhalini cəlb etmək üçün iki məqsədyönlü kampaniyaya start verilib. Təəssüf ki, Azərbaycanda əksər böyük tədbirlər Bakıda keçirilir və regionlarda yaşan əhali bu cür mədəni çoxrənglilikdən kənar qalır. Bunu nəzərə alaraq "My Way” travel şirkəti "United Culture”, 124 Studios və Mark Eliyahu ilə əməkdaşlıq çərçivəsində Gəncə, Mingəçevir və Qubada yaşayan vətəndaşlarımızı ilin ən vacib konsertinə daha da yaxın edərək, 25 may tarixində Bakıya - Mark Eliyahunun konsertinə və geriyə təmənnasız səfərlər təşkil edəcək. Eyni zamanda, "Bakı Metropoliteni” QSC "United Cultures”, 124 Studios və Mark Eliyahu ilə əməkdaşlığı çərçivəsində "Növbəti stansiya... Jouney!” promo-kampaniyası keçirir. Belə ki, metro istifadəçisi və "BakıKart” sahibi olan şəxslər 25 may 2019-cu ildə Mark Eliyahunun Bakıdakı konsertinə 10 dəvətnamə qazanmaq şansı əldə edirlər. Artıq M.Eliyahunun 25 may Bakı konsertinə bilet əldə edənlər, onun növbəti - 25 iyun 2019-cu il tarixində İstanbuldakı konsertinə səyahət şans əldə edəcəklər. Heç şübhəsiz, ölkəmizin mədəniyyəti kimi bu sənətçi çoxmədəni və şərqlə-qərb musiqisinin ən mükəmməl incilərindən birini təmsil edir, sizi onunla tanış edəcəyimiz anı səbrsizliklə gözləyirik! Konsertin təşkilatçıları: "United Cultures” və "124 Studios”. Konsertin tərəfdaşları: "Bakı Metropoliteni” QSC, "The Landmark” otel və biznes mərkəzi, "My Way Travel”.

Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
USD 1 1 ABŞ dolları 1.7
EUR 1 1 Avro 1.9008
GEL 1 1 Gürcüstan larisi 0.6128
GBP 1 1 İngiltərə funt sterlinqi 2.1523
IRR 100 100 İran rialı 0.004
SEK 1 1 İsveç kronu 0.1767
CHF 1 1 İsveçrə frankı 1.6933
KWD 1 1 Küveyt dinarı 5.5837
TRY 1 1 Türkiyə lirəsi 0.2779