Maradona İspaniya yığmasında?
Argentina
futbolunun əfsanəsi Dieqo Maradona İspaniya yığmasını çalışdıra bilər.
Kaspi.az xəbər
verir ki, bu təyinat İspaniya Futbol Federasiyasında keçiriləcək seçkilərdən
sonra reallaşa bilər. O halda ki, federasiyanın prezidenti Antonio Torres
seçilsin.
Məlumata görə,
Torres artıq Dieqonun nümayəndələri ilə əlaqə qurub və məsələni müzakirə edib.
Torres prezident seçilsə, Maradona ilə iki illik müqavilə bağlanacaq.
Dieqonun
qarşısına qoyulacaq əsas hədəf DÇ-2022-nin finalına yüksəlmək olacaq. İspaniya
Futbol Federasiyasında seçkilər avqust ayında keçiriləcək.
Maradona hazırda
Argentinanın "Ximnasiya” klubuna rəhbərlik edir. İspaniya yığmasını isə Luis
Enrike çalışdırır.