Makron məşhur futbolçularla nahar etdi
Liberiyanın yeni seçilmiş prezidenti, əfsanəvi futbolçu Corc Vea
Fransaya səfərə gəlib.
Kaspi.az xəbər verir ki, Fransa prezidenti Emmanuel Makron Veanın
şərəfinə nahar verib. Yelisey sarayında verilən naharda Fransa çempionatının
səfiri olan Didye Droqba da olub.
PSJ-nin futbolçusu Kilian Mbappe də məşhurlarla bir süfrə arxasında
oturmaq şərəfinə nail olub. Nahara dəvət alan Mbappe təəssüratını bölüşüb:
"Bu görüşdən çox şey öyrəndim. Həqiqətən də böyük təcrübədi. Biz
aktual məsələləri müzakirə etdik. Mən fransız olsam da, Afrika əsilliyəm.
Afrikada idmanın inkişafı mənim üçün çox önəmlidir. Bu sahədə
köməyimi böyük məmnuniyyətlə təklif edəcəyəm”.