Madriddən qayıtdıqdan sonra göbələk yığmağa gedib
"Yuventus”un
qapıçısı Canluici Buffon ÇL-in 1/4 finalında "Real”la keçirilən cavab
qarşılaşmasından sonra əsəblərini necə sakitləşdirməsindən danışıb.
Kaspi.az xəbər
verir ki, Buffon Madriddən qayıtdıqdan sonra xeyli piyada gəzdiyini bildirib.
O, göbələk yığmağa getdiyini də deyib:
"Qəbul etdiyimiz
qərarlar həm də bizim varlığımızın təcəssümüdür. Hərdən problemi şişirdirik və
səhvə yol veririk.
Ancaq bu, həyatdır
- məhz buna görə də mən dünyaya gəlmişəm. Ağzına qədər emosiya və adrenalinlə
dolu həftəm oldu. Amma mən bunlarla yaşayıram. Madriddən qayıtdıqdan sonra çox
gəzmişəm və göbələk yığmışam”.
Buffon
qarşılaşmanın son dəqiqəsində "Yuventus”un qapısına penalti təyin edən hakimlə
mübahisə etdiyi üçün qırmızı vərəqə alaraq, meydan qovulmuşdu.