AZE | RUS | ENG |

Ölkənin nüfuzlu liseyi şagird qəbulu elan etdi

Ölkənin nüfuzlu liseyi şagird qəbulu elan etdi
Yüksək bal toplayan şagirdlərə və fənn olimpiadalarının qaliblərinə güzəştli şərtlərlə təhsil almaq şansı verilir

On ildən çoxdur fərqli təhsil sahələrində fəaliyyət göstərən və milli təhsil brendinə çevrilən "Kaspi” Təhsil Şirkətinə məxsus "Kaspi” liseylərinə şagird qəbulu başlayır. Bakı şəhərində iki ünvanda fəaliyyət göstərən "Kaspi” liseyləri öz dinamik fəaliyyətinə və göstərdiyi nəticələrə görə artıq xeyli yol qət edib, sahəsinin peşəkarına çevrilib. "Mükəmməl milli təhsil amalımızdır!” şüarı ilə 2014-cü ildən fəaliyyətə başlayan "Kaspi” Liseyinin əsas  fəaliyyət istiqamətləri həm fərqli, həm də bir-birini tamamlayan yol xəritəsi kimi müəyyən olunub.
Belə ki, bu liseylərdə əsas məram milli kimliyi yaddaşına həkk edilmiş, mənəvi dəyərlərə malik əsl azərbaycanlı vətəndaş yetişdirilməsidir. Məlumdur ki, günbəgün dəyişən və müxtəlif zərərli informasiya mənbələrinin açıq olduğu bir dövrdə əxlaqi prinsiplərə malik bir insan yetişdirmək çətindir. Nəzərə alsaq ki, şəxsiyyəti tam formalaşmamış, iradəcə zəif olan yeniyetmələrin sosial şəbəkələrin və texnoloji cihazların əsirinə çevrilməsi prosesi getdikcə sürətlənir və bu qarşısıalınmaz bir hala çevrilir, o zaman buna qarşı valideynlərin təkbaşına mübarizə aparmasının da nə qədər çətin olduğunu anlamaq təsəvvür ediləndir. Məhz bu yolda valideynlərə dəstək və sağlam əqidəli şəxsiyyətlər yetişdirmək üçün, "Kaspi” Liseyi xüsusi proqram əsasında şagirdlərlə təlim-tərbiyə işi aparır. Şagirdlərin mütəmadi olaraq fərdi və qrup şəklində sinif rəhbəri, psixoloq, təlim-tərbiyə işləri üzrə direktor müavini ilə görüşləri keçirilir, onlar üçün seminarlar təşkil olunur. Bundan əlavə, liseylərdə "Milli yaddaş” layihəsi çərçivəsində vaxtaşırı olaraq, ölkənin müxtəlif ictimai xadimləri, həmçinin elm və mədəniyyət adamlarının iştirakı ilə tədbirlər keçirilir və şagirdlərə nüfuzlu və sanballı şəxslərin simasında əyani nümunələr göstərilir.
İkinci əsas istiqamət şagirdlərin beynəlxalq arenaya çıxışı, qlobal dünyanın müstəqil nümayəndəsi kimi yetişə bilmələri üçün görülən işlərdir. Bu məqsədə nail olmaq üçün, onlara ingilis dili və informasiya texnologiyaları elmi əsaslı və intensiv şəkildə tədris edilir, dünya miqyaslı olimpiadalarda  - İnfomatrix, Genius və s. – şagirdlərin iştirakı təmin edilir. Bundan başqa, xarici universitetlərə hazırlaşmaq istəyən şagirdlər üçün xüsusi tədris proqramı həyata keçirilir, hansı ki, bu proqrama IELTS və SAT hazırlıqları daxil edilir. Şirkətin "Xaricdə təhsil” şöbəsinin köməkliyi ilə, şagirdlərin xarici universitetlərə müraciət və qəbul proseduru bütöv şəkildə aparılır və təhsil müddəti başa çatana qədər lisey onlara öz dəstəyini göstərir.
"Kaspi” liseyləri milli və dünya vətəndaşları yetişdirərkən, onların bir insan, sosial fərd olaraq formalaşmasını da unutmur, şagirdlərin şəxsi inkişafları üçün müxtəlif addımlar atır. Beləliklə, üçüncü ana istiqamət hər iki liseydə müxtəlif incəsənət, idman və məntiq dərnəkləri, il boyu mütəmadi olaraq keçirilən bədii gecələr, fənn həftələri, yarışmalar, səfər və ekskursiyalardır ki, bunlar da öz növbəsində şagirdlərin sosiallaşmasına, dünyagörüşlərinin formalaşmasına kömək edir, həmçinin, onlarda gizli qalan qabiliyyətləri  və potensialı aşkarlamağa kömək edir. Nəticədə şagirdin həm özünütanıma prosesi gerçəkləşir, həm də fərdi inkişafı baş verir.
Bundan əlavə, liseylərdə psixoloq və xüsusi məsləhətçilər fəaliyyət göstərirlər ki, onların sayəsində, uşaqlarda yaranmış və ya yarana biləcək hər hansı bir psixoloji narahatlıq, dərslərə yanaşmadakı nöqsanlar, dostları və ümumiyyətlə lisey kollektivi ilə ünsiyyətdəki problemlər və s. kimi oxşar məqamlar aşkarlanır, lazımi tövsiyələr verilir və müvafiq həll yolları tapılır.
Bu üç istiqaməti ayrı-ayrılıqda quran və idarə edən peşəkar müəllim-işçi kollektivinin fəaliyyəti nəticəsində liseyin akademik və sosial göstəriciləri hər il artır. Ümumilikdə lisey yüksələn xətt üzrə inkişaf etməkdə davam edir.
Maraqlananların nəzərinə çatdırırıq ki, 2018/2019-cu tədris ili üçün Kaspi-Bakıxanov və Kaspi – Ağ şəhər liseylərində qəbul 1-11-ci siniflər üzrə 20 aprel tarixinə qədər aparılır. O da qeyd olunmalıdır ki, "Kaspi” liseylərində qəbul imtahanında iştirak edərək yüksək bal toplamış şagirdlər, həmçinin ölkədə keçirilən fənn olimpiadalarının qalibləri güzəştli təhsil almaq hüququ əldə edə bilərlər. Eyni zamanda, valideynlər liseylərə baş çəkə və yerindəcə məktəb ilə yaxından tanış ola bilərlər.






Paylaş:

Facebook-da

Reklam

Xəbər lenti

Valyuta məzənnəsi

Tipi Ədə. Adı AZN
IRR 100 İran rialı 0.0037
GEL 1 Gürcü larisi 0.6964
GBP 1 İngilis funt sterlinqi 2.3933
TRY 1 Türk lirəsi 0.4202
KWD 1 Küveyt dinarı 5.6667
SEK 1 İsveç kronu 0.2020
EUR 1 Avro 2.0981
CHF 1 İsveçrə frankı 1.7489
USD 1 ABŞ dolları 1.7000