“Liverpul”un azarkeşlərini Neapolda döydülər
Çempionlar Liqasında keçirilən "Napoli” -
"Liverpul” oyunundan əvvəl insident yaşanıb.
Kaspi.az xəbər verir ki, "Liverpul” azarkeşləri
döyülüblər. İnsident nəticəsində bir ingilis azarkeş xəsarət alaraq xəstəxanaya
yerləşdirilib.
Bir qrup radikal "Napoli” fanatı oyundan əvvəl
Neapolun küçələrini gəzərək "Liverpul” azarkeşlərini axtarıblar. Radikallar
rast gəldikləri ingilislərə hücum ediblər.
Şəhər polisinin rəhbəri bildirib ki, ingilislərə
hücum edən qrupun üzvləri əsasən yeniyetmələrdən ibarət olub.
"Napoli” "Liverpul”a 1:0 hesabı ilə qalib gəlib.