• çərşənbə axşamı, 19 mart, 11:16
  • Baku Bakı 8°C

Levan İzoriya: “Regional təhlükəsizliyi Azərbaycan və Türkiyə ilə birlikdə daha effektiv qoruya bilərik” - Fotolar

27.05.17 14:15 938
Levan İzoriya: “Regional təhlükəsizliyi Azərbaycan və Türkiyə ilə birlikdə daha effektiv qoruya bilərik” - Fotolar
Bu gün TiflisdəNATOParlament Assambleyasının yaz sessiyası çərçivəsində Müdafiə və təhlükəsizlik Komitəsinin iclası keçirilib.
APA-nın Gürcüstan bürosunun məlumatına görə, tədbirdə çıxış edən Gürcüstan müdafiə naziri Levan İzoriya Gürcüstan Silahlı QüvvələrininNATOqüvvələri ilə birgə Əfqanıstanda təhlükəsizliyi təmin etməyə hazır olduğunu bildirib.
Nazir qeyd edib ki, Gürcüstanın beynəlxalq missiyada iştirakı ümumi dəyərlərə xidmət edir.
Azərbaycan Milli Məclisinin üzvüSiyavuş Novruzovisə L. İzoriyaya sualla müraciət edərək Gürcüstanın Silahlı Qüvvələrinin təcrübəsinin Azərbaycan üçün vacib olduğunu bildirib. Nazir suala cavabında bildirib ki, Gürcüstan ərazisindən keçən Bakı-Tiflis-Ceyhan, Bakı-Supsa boru xətləri, habelə BTQ dəmir yolu layihəsinin mühafizəsində Gürcüstan Silahlı Qüvvələrinin böyük rol oynadığını bildirib.
S. Novruzov 2008-ci il Rusiya-Gürcüstan müharibəsi zamanı Gürcüstan ərazisindən keçən beynəlxalq boru xətlərinə yaranan təhlükə barədə danışıb, habelə "Asala” terror təşkilatının terror aktları törətməyi planlaşdırdığını bildirib.
S. Novruzovun Gürcüstan Silahlı Qüvvələrinin modernləşməsi barədə sualına gəldikdə isə L. İzoriya Azərbaycanla Gürcüstanın strateji tərəfdaş olduğunu qeyd edərək bunu deyib: "Bu günlərdə Azərbaycan müdafiə naziri Gürcüstana rəsmi səfər edib. Biz həm ikitərəfli, həm də Azərbaycan, Gürcüstan və Türkiyə müdafiə nazirlərinin iştirakı ilə üçtərəfli görüş keçirdik. Biz müdafiə, təhlükəsizlik və silahlı qüvvələrin gücləndirilməsi, eləcə də Cənubi Qafqazın regionunda təhlükəsizlik məsələlərini müzakirə etdik”.
Nazir azərbaycanlı deputatın haqlı olduğunu və Cənubi Qafqazda təhlükəsizliyin qorunmasının vacib olduğunu, mühüm obyekt və infrastrukturu birgə qoruduqlarını bildirib: "Biz Cənubi Qafqazda təhlükəsizliyiNATO-nun üzvü olan Türkiyə, eləcə də Gürcüstan və Azərbaycanla birgə effektli şəkildə təmin etməyə çalışırıq. Bu, bizim başlıca prioritetlərimizdən biridir”.
Müdafiə naziri L. İzoriya iki həftə sonra üçtərəfli hərbi təlimlər keçiriləcəyini və bu təlimlərin sentyabr ayında davam edəcəyini qeyd edib.
Nazir Gürcüstan Silahlı QüvvələrininNATOstandartlarına uyğun modernizasiya olunacağını da bildirib. O, bu istiqamətdə fransızlarla danışıqların aparıldığını vəNATOilə hərbi sahədə yeni proqramın icra ediləcəyini vurğulayıb.







banner

Oxşar Xəbərlər