Şamil Əliyevin rejissorluq etdiyi "Çölçü”
filminin uğurları davam dir. Belə ki, 5 qitədə, 48 beynəlxalq festivalda
iştirak edən film rekordunu təzələyib.
Beynəlxalq kino ekspertlərdən
ibarət münsiflər «Accolade Global Film Competition 2019» (ABŞ) – «Award of
Merit Special Mention» mükafatına layiq görülüb. Bu
24 karat qızıl təbəqə ilə örtülmüş heykəl fiqurdur. Sertifikatla təsdiq olunur.
Bundan əlavə, "Çölçü” iki beynəlxalq kino
festivallarının – "Near
Nazareth Festival 2019”
(İsrail) və "Florence Film Awards 2019” (İtaliya) FİNALINA yüksəlmiş, həmçinin
"European Screen Awards 2019” müsabiqə mərhələsindədir. Sertifikatlarla təsdiq olunub.
Qeyd edək ki, Antonioni,
Tarkovski, Qodar, Berqman kino mükafatlarının nominantı olan Şamil Əliyevin
"Çölçü” filmi Mədəniyyət və Turizm Nazirliyinin sifarişi ilə "Azərbaycanfilm”
kinostudiyasında 2012-ci ildə istehsal olunub. Film 5 qitəni əhatə edən 48 beynəlxalq
kino festivalında iştirak edərək 25-dən çox mükafatlara layiq görülüb. "Çölçü”
ümumilikdə bir neçə dəfə
"Ən yaxşı bədii film”, "Ən yaxşı rejissor işinə görə”, "Ən yaxşı ssenari”, "Ən
yaxşı qadın oyunçu”, "Yaradıcılıq axtarışlarına görə”, eləcə də münsiflər heyətinin
xüsusi diplom və mükafatlarına, "Humay” milli mükafatına layiq görülüb.
Filmin ssenari müəllifi Vidadi
Həsənov, operatoru Rafiq Quliyev, rəssamları Rafiq Nəsirov və İbrahim
Aminovdur. Filmdə Vidadi Həsənov, Bəhruz Vaqifoğlu, Cavidan Məmmədov və
başqaları çəkiliblər.
Bakı 20°C
