Küsdü, stadionu tərk etdi
"Bavariya”nın
yarımmüdafiəçisi Frank Riberi cəzalana bilər.
Kaspi.az xəbər
verir ki, Riberinin "Bayer”lə oyunda etdiyi hərəkət klub rəhbərliyi tərəfindən
araşdırılacaq. Oyunda ehtiyatda qalan Riberi qarşılaşmanın başa çatmasına 7 dəqiqə
qalmış nümayişkaranə surətdə stadionu tərk edib.
O, stadionu tərk
edərkən, "Bavariya”nın baş məşqçisi Niko Kovaç 3-cü əvəzetmə ilə bağlı göstəriş
vermişdi. Meydana çıxmayacağını bilən Riberi ehtiyat oyunçular skamyasını tərk
edərək, stadiondan çıxıb.
Böyük ehtimalla,
klub rəhbərliyi bu hərəkətinə görə ona pul cəzası kəsəcək. Riberinin Kovaçla
münasibətlərinin qaydasında olmadığı da iddia edilir.