Konte qamçı və keks metodundan istifadə edir
"Çelsi”nin baş məşqçisi Antonio Konte iş metodu barədə danışıb.
Kaspi.az xəbər verir ki, Konte futbolçulara münasibətdə qamçı və keks
metodundan yararlandığını bildirib. O, bu metodu "Leççe”də çıxış edərkən
mənimsədiyini vurğulayıb:
"Futbolçu karyeram zamanı bəxtim gətirib ki, əla mütəxəssislərlə
işləmişəm. Özümün ilk iki məşqçimi yaxşı xatırlayıram. "Leççe”də Eusenio
Faşşetti və Karlo Matsonenin rəhbərliyi altında oynamışam.
Onlar mənim inkişafımda mühüm rol oynayıblar. Bu məşqçilər mənə
münasibətdə qamçı və keks üsulundan istifadə ediblər. Mən də bu üsulu
mənimsəmişəm.
Futbolçularla işləyərkən, hərdən qamçıdan istifadə olunmalıdır,
hərdən də keks verilməlidir. Mən çalışıram ki, keks verim. Ancaq hərdən sərt
olmaq lazımdı.
Nə vaxt ki, səhv edirsən, bu situasiyanı anlamalı və qərar qəbul
etmək üçün optimal variant qəbul etməlisən. Bu, gələcək səhvlərdən
sığortalanmaq üçün vacibdir”.