Konte “Çelsi”dən ayrılır? - Münasibətlər pisləşib
"Çelsi”nin baş məşqçisi Antonio Konte ilə klub rəhbərliyinin
münasibətləri gərginləşib.
Kaspi.az xəbər verir ki, Konte transfer tələblərinin təmin
olunmamağından narazıdır. Bu barədə iddianı "Sky Sport Itala” yayıb.
Münasibətlər o həddə pozulub ki, Kontenin klubu tərk etmə ehtimalı
artıb. Hətta məlumat yayılıb ki, "Çelsi” rəhbərliyi italyan mütəxəssisin yerinə
namizəd də tapıb.
O, komandanı tərk edəcəyi halda, "Çelsi”ni Tomas Tuxelin çalışdıracağı
bildirilir. Kontenin qüvvədə olan müqaviləsi 2019-cu ilin yayına qədər nəzərdə
tutulub.