Kolumbiyada prezident seçkilərində qalib müəyyənləşməyib
Kolumbiyada keçirilmiş prezident seçkilərinin birinci turunda qalib müəyyənləşməyib.
APA-nın RİA Novosti agentliyinə istinadən verdiyi xəbərə görə, bu barədə Milli Seçki Şurasının məlumatında deyilir.
Bülletelərin 94%-nin hesabanmasından sonra namizədliyi "Demokratik Mərkəz” partiyası tərəfindən irəli sürülən sağçı İvan Duke 39%, onun əsas rəqibi – solçular koalisiyanın rəhbəri Qustavo Petro 25% səs toplayıb.
Qeyd edək ki, Kolumbiyada prezident seçkilərində 6 namizəd iştirak edib. Seçkilərin ikinci tur iyunun 17-də keçiriləcək.