Kolumbiyada mədəndə partlayış olub - ölənlər var

Ən azı 11 nəfər Kolumbiyanın mərkəz hissəsində yerləşən mədənlərin birində baş verən partlayışın qurbanı olub.
Məlumata əsasən, hadisə Kukunuba bələdiyyəsində yerləşən Pueblo Vyexo kəndindəki kömür mədənində baş verib. Partlayış nəticəsində 11 mədənçi həlak olub. Xilasedicilər dağıntıların altından dörd nəfəri xilas edə biliblər.
Səlahiyyətlilər hadisə ilə əlaqədar araşdırmaya başlayıb. İlkin məlumatlara görə, partlayışa səbəb metanın atılması ola bilər.