Kollecdə intellektual yarış keçirilib - Fotolar

Bakı İdarəetmə və Texnologiya Kollecinin (BİTKol) Sistemlər şöbəsində A129, B124, A115, A210 və B 105/B106 qrupları arasında intellektual yarışma keçirilib. Yarışmanın məqsədi tələbələrin bilik dairəsinin genişləndirilməsi və intellektlərinin gücləndirilməsi olub. Tələbələrin böyük həvəs və maraqla qatıldığı yarışmada gərgin mübarizə anları yaşanıb. Yarış iştirakçıları fəal şəkildə öz bilik və bacarıqlarını nümayiş etdiriblər. Sonda B105/B106 qrupu digərlərini üstələyərək qalib olub. Qalib gələn iştirakçılar - Ayşən Əliyeva, Mələk Mədətova, Emin Həsənov, Samir Nəcəfov, Elvina Həsənova, Aqil Abaszadə sertifikatla mükafatlandırılıblar.