Bakı 15°C
Kliçko Kiyevdəki bahaçılıqdan danışdı
Kiyevin meri
Vitali Kliçko Çempionlar Liqasının final qarşılaşması üçün planlaşdırılan
maliyyə gözləntisi barədə danışıb.
Kaspi.az xəbər
verir ki, Kliçko son günlər ÇL-in final oyununa biletlərin kütləvi surətdə geri
qaytarılması ilə bağlı yayılan məlumata da münasibət bildirib:
"Kiyevə gələn hər
bir turist gün ərzində 150-200 dollar xərcləyir. Ötən il Kiyevə 2 milyon turist
gəlmişdi. Bu il 2,5 milyon gözləyirik.
ÇL-in finalı
üçün 50-60 min turist gələcək. Bunu minimum 100-150 dollara vurun. Otellərdə
boş yer yoxdu. Məlumat yayılmışdı ki, biletləri kütləvi surətdə qaytarırlar.
Guya Kiyevdə
qalmaq üçün yer tapa bilmirlər və ya yerlər çox bahadır. Biz "Real” və
"Liverpul” rəhbərliyi ilə əlaqə saxladıq. Onlara dedik ki, kim bileti qaytarmaq
istəyirsə, bizə verin, almaq istəyən xeyli insan var. Susdular.
Qiymətlərin baha
olmasına gəldikdə isə belə hal təkcə Kiyevdə yaşanmır. Belə turnirlər, oyunlar
zamanı dünyanın istənilən şəhərində bahalaşma baş verir. Şəhər rəhbərliyi
biznesi idarə edə bilməz. Bu, bazardır.
Kiyevdə
"Qazprom”un reklamının görünməsi isə UEFA-nın səhvi idi. Biz xəbərdarlıq etdikdən
sonra problem həll olundu. Artıq "Qazprom”un reklamı Kiyevdə yoxdur”.
